ԿԵՍԱՐԻԱՅԻ ՆԻՐԶԵ ԳՅՈՒՂԻ ՊԱՏՄՈՒԹՅՈՒՆԸ ԱՆԳԼԵՐԵՆ ԼԵԶՎՈՎ Հ.Ծ. Լոնդոնում տեղակայված հայագիտական ուսումնասիրություններ հրատարակող Կոմիտաս ինստիտուտը վերջերս լույս է ընծայել անգլերեն լեզվով «A Brief History of Nirze Village of Cesaria» (Համառոտ պատմութիւն Կեսարիոյ Նիրզէ գիւղի) խորագրով Սենեքերիմ Խտրյանի գիրքը, տեղեկացնում է «Միրոր-Սփեքթեյթր» շաբաթաթերթը: Հայրենակցական այս ուշագրավ ուսումնասիրությունը, որը հայկական համայնքի կյանքն է ներկայացնում Ցեղասպանությանը անմիջապես հաջորդած ճգնաժամային տարիներին, գրվել է 1917-ին հայերեն լեզվով եւ հրատարակվել 1918-ին, երբ դեռ շարունակվում էին հայերի կոտորածները: Պատմական եզակի արժեք ներկայացնող այս գործը հիմնականում նկարագրում է Օսմանյան կայսրության այդ փոքրիկ գյուղի մարդկանց, նրանց թվում նաեւ հեղինակի, անորոշ իրավիճակից դրդված տեղաշարժըՙ արտագաղթը դեպի Մ. Նահանգներ, որտեղ էլ թղթին է հանձնել իր հիշողությունները Սենեքերիմ Խտրյանը: Հատորը, որ ներառում է նաեւ լուսանկարներ, աղյուսակներ եւ մի քարտեզՙ բնագրից անգլերենի է թարգմանել եւ համապատասխան ներածական գրել Ժիրայր Լիպարիտյանը : Հավելյալ տեղեկությունների համար խորհուրդ է տրվում այցելել www.gomidas.org/books կայքը: | 
