ՍԵՅՐԱՆ ՕՀԱՆՅԱՆԸՙ ԶՈՐԱԿՈՉԻ ՄԱՍԻՆ Ա. ՄՆԱՑԱԿԱՆՅԱՆ Այս տարի ձմեռային զորակոչը կկայանա դեկտեմբեր-հունվար ամիսներին: ՀՀ պաշտպանության նախարար Սեյրան Օհանյանի ներկայացմամբՙ զորակոչի ժամկետների փոփոխման համար մի քանի պատճառ կա: Նախկինում գարնանային զորակոչն իրականացվում էր մայիս-հունիս ամիսներին, այժմ այդ զորակոչն իրականացվում է հունիս-հուլիս ամիսներին: «Դրանից ելնելով մենք ստիպված ենք եղել երկրորդ ուսումնական փուլը տեղափոխել օգոստոսի 15-ին, որ զորակոչվածները հնարավորություն ունենան երիտասարդ զինվորի պատրաստություն անցնելու, երդում տալու եւ դրանից հետո անցնելու ուսումնական ողջ գործընթացը: Դրա համար ստիպված ենք նոր ուսումնական փուլը հունվարի 15-ից տեղափոխել փետրվարի 15-ը: Դրա համար աշնանային զորակոչը անվանել ենք ձմեռային, եւ կիրականացվի դեկտեմբեր-հունվար ամիսներին», երեկ ֆիզիկական կուլտուրայի ինստիտուտում տեղի ունեցած հանդիպման ժանանակ ասել է Սեյրան Օհանյանը: Հիշեցնենք, որ զորակոչում առկա փոփոխությունները պայմանավորված են այն հանգամանքով, որ դպրոցում կրթությունը դարձել է 12 տարի: | 
