ԹԱՆԿԱՐԺԵՔ ՄԵՏԱՂՆԵՐԻ ՊԵՏԱԿԱՆ ԳՆԵՐՆ ԱՃԵԼ ԵՆ Հայաստանի Հանրապետությունում թանկարժեք մետաղների պետական գնման եւ բացթողնման գներն աճել են: Այդ մասին «Արմենպրես»-ին տեղեկացրին ՀՀ ֆինանսների նախարարության տեղեկատվության եւ հասարակայնության հետ կապերի վարչությունից: «Թանկարժեք մետաղների եւ թանկարժեք քարերի պետական գանձարան» գործակալության կողմից 2013 թվականի դեկտեմբերի 16-ից 22-ի համար սահմանվել են թանկարժեք մետաղների մեկ գրամ քիմիապես մաքուր մետաղի (պետական ստանդարտ ձուլակտորի համար) պետական գնման եւ բացթողնման գները` արտահայտված ՀՀ դրամով: Ոսկու համար սահմանվել է գնման գին` 14872.35 (+110.37), բացթողնման գին` 16165.6 (+119.96), արծաթի գնման գին` 237.69 (+4.45), բացթողնման գին` 258.36 (+4.84), պլատինի գնման գին` 16489.24 (+139.86), բացթողնման գին` 17923.09 (+152.02), պալադիումի գնման գին` 8792.27 (+102.8), բացթողնման գին` 9556.82 (+111.74): | 
