ՄԵՔԵՆԱՍԱՐՔԱՎՈՐՈՒՄՆԵՐԻ ՆԵՐՄՈՒԾՈՒՄԸ ԿԱԶԱՏՎԻ ԱԱՀ-ԻՑ Ա. Մ. Հարկային եւ մաքսային բարեփոխումներին միտված երեք նախագիծ երեկ կառավարությունում երեկ ներկայացրեց պետական եկամուտների կոմիտեի նախագահ Վարդան Հարությունյանը: Առաջին նախագծով, պարզեցվում են արտահանողներին (ավելացված արժեքի հարկի) ԱԱՀ-ի գումարների վերադարձման ընթացակարգը եւ կրճատվում ժամկետները: Օրինագծերի երկրորդ փաթեթով ավելացված արժեքի հարկ վճարողների կողմից բոլոր տեսակի մեքենաների, սարքավորումների եւ հումքային ապրանքների ներմուծումն ազատվում է ավելացված արժեքի հարկից, իսկ կառավարության հավանությանն արժանացած ներդրումային ծրագրի եւ գործարար ծրագրերի շրջանակում ներմուծվող կամ ձեռք բերվող (կառուցվող, մշակվող) հիմնական միջոցների ամորտիզացիոն նվազագույն ժամկետը սահմանվում է մեկ տարիՙ նախկին 5-20 տարի ժամկետի փոխարեն: Դա ներդրողներին հնարավորություն կընձեռի էականորեն կրճատել իրենց կողմից կատարված ներդրումների հետ գնման ժամկետըՙ բարձրացնելով մեր երկրի ներդրումային գրավչությունը: Երրորդ որոշմամբ կառավարությունը հաստատեց էլեկտրոնային եղանակով մաքսային հայտարարագրման իրականացման եւ մաքսային ձեւակերպումների մասնագետի որակավորում չունեցող անձանցՙ մաքսային միասնական ավտոմատացված տեղեկատվական համակարգ մուտք գործելու կարգը: Այսինքն, դյուրացվում է էլեկտրոնային եղանակով մաքսային հայտարարագրմումը եւ մաքսային ձեւակերպումների մասնագետի որակավորում չունեցող անձանցՙ տվյալ համակարգ մուտք գործելը: | 
