ԱՇԽԱՏԱՆՔԻ ՀՆԱՐԱՎՈՐՈՒԹՅՈՒՆ Նոյեմբերի 7- ին բացվեց հայ-իտալական Ceramisia գործարանը, որն արտադրելու է կերամիկական իրեր: Գործարանը կառուցվել է «Multi Group» կոնցեռնի եւ իտալական «Italian Stoneware» հոլդինգի համատեղ ներդրումային նախագծով: Բացման արարողությանը մասնակցել են Հայաստանի վարչապետ Նիկոլ Փաշինյանը, «Multi Group» կոնցեռնի ղեկավար, «Բարգավաճ Հայաստան» կուսակցության նախագահ Գագիկ Ծառուկյանը, իտալական կողմի ներկայացուցիչը: Գործարանի աշխատակիցների թիվը նախատեսվում է հասցնել 1000 -ի, այժմ 35 մարդ է աշխատում, մասնագետների պակաս կա, քանի որ մասնագետները հեռացել են երկրից : Աշխատավարձը 150 հազար դրամից կես միլիոնի է հասնելու: Ըստ Գ. Ծառուկյանիՙ աշխատել ցանկացողները կվերապատրաստվեն Իտալիայում: Ներդրումները սկզբնական փուլում լինելու են 30. մլն եվրոյի սահմաններում: | 
