Դասադուլՙ Երեւանի Պետհամալսարանում, վրդովված դասախոսներՙ գրեթե բոլոր բուհերում, քննարկումներՙ կրթական ու գիտական հաստատություններում, ասուլիսներՙ մամլո սրահներում, քննարկումՙ Ազգային ժողովում, արտահերթ նիստՙ Ազգային ակադեմիայի նախագահությունում. ոչ քաղաքական օրակարգով բողոքի նման ալիք դեռ չէր ծավալվել վերջին ավելի քան մեկ տարում: Ճիշտ է, առայժմ մասնագիտական-մտավորական շրջանակներում պարփակված, սակայն շատ հավանական է, որ բողոքի ...
Նոյեմբերի 7- ին բացվեց հայ-իտալական Ceramisia գործարանը, որն արտադրելու է կերամիկական իրեր: Գործարանը կառուցվել է «Multi Group» կոնցեռնի եւ իտալական «Italian Stoneware» հոլդինգի համատեղ ներդրումային նախագծով: Բացման արարողությանը մասնակցել են Հայաստանի վարչապետ Նիկոլ Փաշինյանը, «Multi Group» կոնցեռնի ղեկավար, «Բարգավաճ Հայաստան» կուսակցության նախագահ Գագիկ Ծառուկյանը, իտալական կողմի ներկայացուցիչը:
Ինչ հիշում եմ ԳԱԱ թղթակից-անդամ, ֆիզմաթ գիտությունների դոկտոր Արթուր Իշխանյանին ` նա պայքարում է գիտության ֆինանսավորումն ավելացնելու համար, անգամ այդպիսի անվանումով շարժում է հիմնադրել: Գիտության ֆինանսավորումն ավելացնելու համար նա պայքարել է վերջին մի քանի վարչապետների օրոք, նրա պայքարը լայնորեն լուսաբանել են, այդ թվում` ես: Տարբեր հետաքրքրական առաջարկներ ...
Վերջին օրերին Հայաստանում գտնվող մի խումբ սփյուռքահայ ռամկավարներ եւ նրանց միացած երեւանաբնակ մի քանի սիրիահայեր արժանացան ՀՀ կառավարության ամենաբարձր մակարդակի ընդունելությանըՙ որպես «ՌԱԿ կենտրոնական վարչության» անդամներ, չհանդիսանալով այդպիսին:
Օրերս զրուցեցինք մի մարդուՙ Արմեն Մելքոնյանի հետ, որի որդին, վրաերթի ենթարկվելով, մահացել էր մեր զրույցից մեկ շաբաթ առաջՙ հոկտեմբերի 28-ին: Կիսելով նրա եւ մյուս հարազատների վիշտը, որոշակի կրճատումներովՙ ստորեւ ներկայացնում ենք նրա պատմությունն իր որդու մահվան կապակցությամբ:
Անգլերեն բնագիրը ուշ ստանալու պատճառով ներկա համարում չկարողացանք հրատարակել հանրահայտ մտավորական եւ հրապարակագիր Երվանդ Ազատյանի ճանաչողական ու վերլուծական իմաստով հրաշալի հոդվածը ԱՄՆ կոնգրեսի ստորին պալատում Հայոց ցեղասպանության բանաձեւի ընդունման վերաբերյալ: Փաստեր, իրողություններ եւ ընդհանրացումներՙ որոնց գոնե Հայաստանում տեղյակ չէինք:
Կանգնած եմ մայթին եւ փոխադրակառք մը կը սպասեմ: Ինծի նման ալՙ շատեր. բոլորն ալ կ՛ուզեն տեղ հասնիլ 100 դրամով: Անդին, մայթեզրին, թաքսիները շարք բռնած են եւ ակնդէտ շտապող մը կը սպասեն, որ համբերութիւն չունի երկար սպասելու եւ 100 դրամի փոխարէն պատրաստ է 600 կամ աւելի վճարելու:
Նոյեմբերի 5-ին Թուրքիայի նախագահ Ռեջեփ Թայիփ Էրդողանը Մեջլիսում ելույթ ունեցավ «Արդարություն եւ բարգավաճում» կուսակցության խորհրդարանական խմբակցության առջեւ: Ելույթում նա անդրադարձավ երկրի տնտեսական կյանքին, Սիրիայի վերջին զարգացումներին, ԱՄՆ-ի, Եվրոպական միության, Ռուսաստանի հետ հարաբերությունների ներկա վիճակին: Մինչ անգլիական «Economist» հանդեսը վերջին համարում, հաշվի առնելով թուրքական տնտեսության ֆինանսական դժվարությունները, ...
Այս տարվա օգոստոսի 28-ին Թուրքիայի եվրոպական հատվածում գտնվող Քըրքլարե քաղաքի սրճարաններից մեկում նստած էր մի տասնամյա աղջնակ, որի կողքինՙ հայրը, մայրը եւ նրանց փաստաբանները: Նույնիսկ աղջնակը չէր ժպտում. խոսակցությունը ծանր էր: Ծնողները եկել էին պայմանավորվելու, թե ամուսնալուծությունից հետո իրենցից որի մոտ պետք է ապրի աղջիկը: Հետո վիճել են եւ հայրը ...
Երեւանում սկսված Հավաքական անվտանգության պայմանագիր կազմակերպության (ՀԱՊԿ) անդամ պետությունների խորհրդարանական վեհաժողովի նախօրեին «Մետրոպոլիտեն» հյուրանոցում կայացավ «ՀԱՊԿ-ի դերը տարածաշրջանային անվտանգության ապահովման գործում» վերնագրով միջազգային կլոր սեղան-քննարկում: Միջոցառումը, որին մասնակցում էին փորձագետներ Ռուսաստանից եւ Հայաստանից, կազմակերպել էին «Ինտեգրում եւ զարգացում» վերլուծական կազմակերպությունը, «Ցանցային հետազոտական» ինստիտուտը եւ Եվրասիական փորձագիտական ակումբը:
Մերօրյա իրադարձությունների հորձանուտում ավելի ու ավելի նկատելի է դառնում մի տխուր ու ցավոտ իրողություն, որը հար եւ նման է «Մենք ենք մեր սարերի» դրվագներից մեկին: Այնտեղ ասվում է.
Կան անուններ, որոնք իրենց ժողովրդի փառքը հաստատելու համար են ծնվելՙ վերստին արժեւորելու ու անմահացնելու հայ պոեզիայի մեծագույն գրողների ստեղծագործությունները : Անտարակույս, Սիլվա Յուզբաշյանի անունը մեկն է այն հազվագյուտներից, ում աստվածատուր ձայնի յուրահատուկ հնչեղության նրբերանգներն ու ելեւէջները նորովի շնչով ու ջերմությամբ են վերապրեցնում բոլոր ժամանակների հայ պոեզիան:
Խոսքը այսպես կոչված Ստամբուլյան կոնվենցիայի մասին է. որի շուրջ նոյեմբերի առաջին օրը Ազգային Ժողովում փակ քննարկում էր կազմակերպվել: Հենց այն, որ քննարկումը փակ էրՙ բացասաբար ընդունվեց հասարակական լսարանի կողմից: Մոտեցումները իրարամերժ էին: Սոցիալական հարցերի նախարար Զարուհի Բաթոյանն , օրինակ, գտնում էր, թե Կոնվենցիան անպայման պետք է վավերացնել: ...
Գիշերօթիկների վերակազմավորման պետական ծրագիրն ընթացքի մեջ է: Դրա մասին խոսվեց կառավարության նախավերջին նիստի ժամանակ, աշխատանքի եւ սոցիալական հարցերի նախարարությունը միջազգային ու տեղական գործընկեր կազմակերպությունների հետ հայտարարեց երեխաների խնամքի եւ պաշտպանության հաստատություններին փոխարինող ծառայությունների մասին: Գիշերօթիկների տնօրենները, երեխաները, նրանց ծնողներն էլ իրենց հերթին են տարբեր հարթակներում քննարկում պետական նոր ծրագիրը, բայց ...
Երեւանի կենդանաբական այգին վերջին օրերին հայտնվել է օտարերկրյա լրատվամիջոցների ուշադրության կենտրոնում: Արմա՜նք-զարմա՜նք...Սովորական թափառող շներն առաջին գիշերը հոշոտել են կենգուրուներին, երկրորդ գիշերն ուժերը չափել մուֆլոնների հետ ու 19-ից 3-ին ոչնչացրել: Լուրը, ավելի ճիշտՙ բոթը ցնցել է նաեւ հայ հանրությանը:
Ինչպես իմացանք շաբաթներ առաջ, ԿԳՄՍ նախարար Հարությունյան Արայիկի թեթեւ ձեռամբ 20 միլիոն դրամ է հատկացվել «Մել» վերնագրով ֆիլմի նկարահանումների համար: «Մելի» գլխավոր հերոսը պաշտոնաթող հայուհի, ծանրամարտիկ Մելինե Դալուզյանն է, ով ոչ վաղ անցյալում վճռեց փոխել իր սեռըՙ իգականից արականի, բայց մնաց այդ երկուսի միջակայքումՙ չեզոք: Իհարկե, ինչպես սպասելի էր, հասարակությունը ...
Որ կառավարում կոչվողը մեզանում հիմնականում թերահավատությամբ է ընդունվում, գրեթե համընդհանուր իրողություն է: Շատ դեպքերում նման տրամադրություն առաջանում է օրենքների անկատարության, սողանցքներ ունենալու, ոչ հիմնավոր ձեւակերպումների, կոնկրետության բացակայության, նաեւ այլ վրիպումների ու բացթողումների արդյունքում, որոնք ժամանակի ընթացքում օրենսդրական փոփոխությունների տեսքով կանոնակարգվում են: Սա գործընթաց է, ամենուր կիրառվող եւ ընդունելի:
Նախքան նոյեմբերի 9-ին Հոլիվուդի «American Legion» կինոթատրոնում եւ մեկ շաբաթ անց, նոյեմբերի 17-ին, Տորոնտոյում անցկացվելիք համապատասխանաբար «Arpa» եւ «Pomegranate» կինոփառատոներում ցուցադրվելը, Անի Հովհաննիսյան-Գեւորգյանի «The Hidden Map» (Թաքնված քարտեզը) վավերագրական ֆիլմը միջազգային ճանաչման արժանացած վավերագրական ֆիլմերի մրցույթում արժանացել է «Impact DOCS» մրցանակի, տեղեկացնում է «Արմինյն Միրոր-Սփեքթեյթր» շաբաթաթերթը:
Պատմական գիտությունների դոկտոր, պրոֆեսոր Մակիչ Վահանի Արզումանյանն այն գիտնականներից է, որ հսկայական գիտական ժառանգություն են թողել մեզ: Նրա անվան հետ են կապված հայ ժողովրդի պատմական ճակատագրին նվիրված բազմաթիվ արժեքավոր ուսումնասիրություններ: Նա նաեւ այն բացառիկ մտավորականներից է, որին բախտ էր վիճակվել ավարտին հասցնելու «Հայկական սովետական հանրագիտարանի» («ՀՍՀ») հրատարակությունը եւ աշխարհին ներկայանալու ...
Թուրքիայի արտգործնախարար Մեւլութ Չավուշօղլուն հանդես է եկել սենսացիոն հայտարարությամբ: Նա ասել է, թե Ֆրանսիան եւ Իսրայելը փորձել են տարածաշրջանային պետական կազմավորում ստեղծել ի նպաստ քրդերի ինքնապաշտպանական ջոկատների եւ Քրդական բանվորական կուսակցության, բայց Թուրքիան ի չիք է դարձրել տարածաշրջանային այդ մեծ խաղը:
