ՀՀ ՆԱԽԱԳԱՀԻ ԳՐԱՍԵՆՅԱԿԻՑ ԲԱՑԱՏՐԵԼ ԵՆ Հայաստանի նախագահ Արմեն Սարգսյանը ստորագրել է ՍԴ դատավորների վաղ կենսաթոշակի անցնելու վերաբերյալ վերջերս Աժ ընդունած օրենքը: Օրենքի ստորագրումից հետո, պատասխանելով լրատվամիջոցների բազմաթիվ հարցերին, նախագահի հանրության հետ կապերի վարչությունից պարզաբանել են, որ ստորագրելուց առաջ նախագահը հանգամանալից ուսումնասիրել է օրենքը, ինչպես նաեւ դրա վերաբերյալ տարբեր քաղաքական-հասարակական ուժերի տեսակետները, դիտարկել փորձագիտական կարծիքը, միջազգային փորձը, ապա ստորագրելՙ առաջնորդվելով «բացառապես համապետական եւ համազգային շահերով», կարեւորելով Սահմանադրական դատարանի բնականոն գործունեության ապահովումը: Ըստ այդ պատասխանիՙ օրենքի գործողության ընթացքում Սահմանադրական դատարանի անդամները, ինչպես իր եզրակացության մեջ նշել է Վենետիկի հանձնաժողովը, «առանց որեւէ անհարկի ճնշման (քաղաքական կամ անձնական)», բացառելով կամավորության սկզբունքից որեւէ շեղում, կարտահայտեն դրա վերաբերյալ իրենց վերաբերմունքըՙ ընդունելով կամ չընդունելով օրենքով սահմանված կենսաթոշակի անցնելու հնարավորությունը: |
