ՆՈԲՈՒՅՈՒԿԻ ՑՈՒՑՋԻԻ ՀԱՄԵՐԳԸ Սեպտեմբերի 6-ին տեղի ունեցավ հայտնի ճապոնացի վիրտուոզ դաշնակահար Նոբույուկի Ցուցջիի մենահամերգը` սկիզբ դնելով «Երեւանյան հեռանկարներ» 20-րդ միջազգային երաժշտական աշնանային համերգաշարին: Ի ծնե կույր երաժիշտը պատմել է. երբ ստացել է հրավերըՙ շատ է ուրախացել, սակայն Հայաստանի մասին շատ քիչ բան է իմացել: Գալով Հայաստան եւ զգալով հայերի ջերմ լինելը` որոշել է դասական երաժշտությամբ պարգեւել գեղեցիկ երեկո: Միջոցառման ընթացքում Նոբույուկին կատարեց իր սիրված աշխարհահռչակ երեք կոմպոզիտորներիՙ Կլոդ Դեբյուսիի, Մորիս Ռավելի, Ֆրեդերիկ Շոպենի ստեղծագործությունները: Նոբույուկին Ցուցջին խոստովանել է, որ նվագել սկսել է չորս տարեկան հասակում, երբ մայրը նրան խաղալիք դաշնամուր է նվիրել, որից հետո երաժշտության ներքո է մեծացել: Նոբույուկիի Ցուցջիին գնահատել եւ սիրել են աշխարհահռչակ շատ անվանի գործիչներ: Նա արժանացել է բազմաթիվ մրցանակնների` արժանանալով շատերի վստահությանը: Շրջագայելով տարբեր երկրներ` հանդես է եկել աշխարհահռչակ բեմերում, որոնց կողքով լուսանկարիչները չեն կարողացել անտարբեր անցնել: Եվ այժմ էլ Նոբույուկին պատրաստվում է շրջագայել` հանդես գալով տարբեր սիմֆոնիկ նվագախմբերի հետ: | 
