ՀԱՅԵՐԻՑ ԼԱՎԱԳՈՒՅՆԸ ԳԱԲՈՒԶՅԱՆԻ ԱՐԴՅՈՒՆՔՆ Է Մինսկի շախմատի մրցաշարում Հայաստանը ներկայացնող 4 շախմատիստներից առավել հաջող է մեկնարկել գրոսմայստեր Հովհաննես Գաբուզյանը, որը 5 տուրից հետո ունի 4 միավոր: Նա մրցաշարը սկսեց 3 անընդմեջ հաղթանակովՙ առավելության հասնելով Ալեքսեյ Չուբարովի, Անդրեյ Սավիցկու եւ Գերման Բազեեւի նկատմամբ: Հաջորդ 2 պարտիաներում Գաբուզյանը հաշտություն կնքեց Ալեքսանդր Բորտնիկի եւ Եվգենի Պոդոլչենկոյի հետ: 3,5-ական միավոր են վաստակել Արտաշես Մինասյանը, Սամվել Տեր-Սահակյանն ու Հայկ Մարտիրոսյանը: 5 միավորով առաջատարը բելառուս Ալեքսանդր Կոչեեւն է, որից կես միավոր են հետ մնում նրա հայրենակից Վլադիսլավ Կովալյովն ու ռուսաստանցի Վլադիսլավ Նոզդրաչյովը: | 
