ՄԱՐՏԻ 1-Ի ԴԵՊՔԵՐԻ ԺԱՄԱՆԱԿԱՎՈՐ ՀԱՆՁՆԱԺՈՂՈՎԻ ՍՏԵՂԾՄԱՆ ՆԱԽԱԳԾԻ ՔՎԵԱՐԿՈՒԹՅՈՒՆԸ ՀԵՏԱՁԳՎԵՑ Մ. Խ. Երեկ սկսված Ազգային ժողովի հերթական քառօրյայում հետաձգվեց 2005 թվականի մարտի 1-ի դեպքերով մի նոր ԱԺ ժամանակավոր հանձնաժողով ստեղծելու` ընդդիմության (ՀԱԿ-ի) նախագծի քվեարկությունը: ՀՀԿ խմբակցության ղեկավար Գալուստ Սահակյանն իր ելույթում այդ հետաձգումն առաջարկեց, քանի որ այդ դեպքում նախագծի հեղինակների հետ քննարկմամբ հնարավոր կլինի ունենալ նախագծի` բոլորի համար ընդունելի տարբերակ: Նախագծի հեղինակներից Գագիկ Ջհանգիրյանը , մեկ-մեկ թվելով դեռ նախորդ նիստում ՀՀԿ-ն ներկայացնող Տաճատ Վարդապետյանի առաջարկներին իր համաձայնություններն ու անհամաձայնությունները, փաստորեն համաձայնեց հետաձգմանը, որպես հեղինակ նշելով իր այն իրավունքը, որ հենց փոխադարձ ընդունելի տարբերակ ունենան, ինքը հարմար պահի կառաջարկի քվեարկել: Ի դեպ, ԲՀԿ-ն, ի դեմս խմբակցության քարտուղար Նաիրա Զոհրաբյանի , ներկայացրեց իր տեսակետը, որ կողմ է այդպիսի հանձնաժողովի ստեղծմանը: Ըստ նախագծի` այս նոր ԱԺ ժամանակավոր հանձնաժողովը պետք է ուսումնասիրի մարտի 1-ի դեպքերի հետ կապված ոստիկանության, գլխավոր դատախազության եւ հատուկ քննչական ծառայության գործողությունների օրինականությունը: |
