ԳՆԱՃԸ ՄԱՅԻՍԻՆ ՀԱՅԱՍՏԱՆՈՒՄ 5,2 ՏՈԿՈՍ Է ԿԱԶՄԵԼ ԱՐԱ ՄԱՐՏԻՐՈՍՅԱՆ Պարենամթերքի գներն ավելի մեծ աճ են ունեցել 2013-ի մայիսին 2012-ի մայիսի նկատմամբ գնաճը կազմել է 5,2 տոկոս: Այս ցուցանիշն է հրապարակել ազգային վիճակագրական ծառայությունըՙ ներկայացնելով սպառողական գների ինդեքսը Հայաստանի Հանրապետությունում 2012-ի մայիսին: Միաժամանակ, 2013-ի մայիսին ապրիլի համեմատ գները մնացել են անփոփոխ, 2012-ի դեկտեմբերի համեմատ գնաճը կազմել է 2,8 տոկոս, իսկ 2013-ի հուվար-մայիսին 2012-ի հունվար-մայիսի համեմատ գնաճը կազմել է 3,6 տոկոս: Պարենային ապրանքների գները 2013-ի մայիսին նախորդ տարվա մայիսի համեմար աճել են 6,6 տոկոսով, իսկ այս տարվա ապրիլի համեմատ` նվազել 3,4 տոկսով, ոչ պարենային ապրանքներինը` 2012-ի մայիսի նկատմամբ աճել են 5 տոկոսով, իսկ ապրիլի նկատմամբ` 0,1 տոկոսով, ծառայությունների գները նախորդ տարվա մայիսի համեմատ աճել են 2,8 տոկոսով, ապրիլի համեմատ` 0,5 տոկոսով: Պարենային ապրանքներից մայիսին ապրիլի նկատմամբ արձանագրված 0,4 տոկոս գնանկման վրա անմիջական ազդեցություն է թողել բանջարեղենի եւ կարտոֆիլի 10,9 տոկոս եւ շաքարավազի 0,4 տոկոս գնանկումը: Կաթնամթերքի դեպքում մայիսին ապրիլի նկատմամբ արձանագրվել է 2,6 տոկոս գնաճ, իսկ անցյալ տարվա մայիսի նկատմամբ` 6,9 տոկոս գնաճ: «Լոռի» պանրի գինն աճել է 2 տոկոսով, «Չանախինը»` 3,6 տոկոսով, յոգուրտինը` 2,9 տոկոսով, թթվասերինը` 4,5 տոկոսով, թարմ կաթինը` 5,1 տոկոսով, մածունինը` 5,6 տոկոսով, կաթնաշոռինը` 6,6 տոկոսով: Ձվի գները ապրիլի համեմատ նվազել են 0,1 տոկոսով: Մսամթերքի ապրանքախմբում ապրիլի նկատմամբ արձանագրվել է 0,8-0,2 տոկոս գնանակում: Մրգի ապրանքախմբում մայիսին ապրիլի համեմատ արձանագրվել է 1,9-17,3 տոկոս գնաճ: Վերոնշյալ մանրամասները վերաբերում էին բնակչության համար առաջնահերթ նշանակություն ունեցող հիմնական պարենամթերքներին գներին: Հիշեցնենք, որ սպառողական գների ինդեքսը ազգային վիճակագրական ծառայությունը որոշում է հիմք ընդունելով շուրջ 500 ապրանքների եւ ծառայությունների գների դինամիկան: |
