ԵՊՀ-ՈՒՄ ԲԱՐՁՐԱՑՎԵԼ ԵՆ ԴԱՍԱԽՈՍՆԵՐԻ ՀԱՎԵԼԱՎՃԱՐՆԵՐԸ Երեւանի պետական համալսարանը առանձին հաղորդագրությամբ երեկ տեղեկացրեց, որ առաջիկա սեպտեմբերի 1-ից նոր, բարձրացված դրույքաչափեր են կիրառվելու պրոֆեսորադասախոսական հիմնական կազմի համար: Ըստ նոր դրույքաչափերի սահմանվել էՙ 1-ին կարգի համարՙ 50 000 դրամ, 2-րդ կարգիՙ 30 000, 3-րդ կարգիՙ 10 000 դրամ: Տարբերակված հավելավճարների համակարգի կիրարկման նպատակը, ըստ հաղորդագրության, խթանելն է դասախոսների որակավորման անընդհատ աճը, գիտահետազոտական աշխատանքների ակտիվությունը, ուսանողների հետ տարվող արտալսարանային աշխատանքները: Այս լավ նորությունը կարող է մթագնվել, սակայն, եթե նկատի ունենանք դասախոսական կարգերի միջեւ գոյություն ունեցող անորոշությունները: Չեն բացառվում առարկություններն ու զանազան միջամտությունները 2-րդ եւ առաջին կարգ անցնելու: | 
