ԲԱԲՈՒՋՅԱՆՆ ՈՒ ՀԱՅՐԱՊԵՏՅԱՆՆ ԱՌԱՋԱՏԱՐՆԵՐԻ ԹՎՈՒՄ ԵՆ Հնդկաստանի Չեննայ քաղաքում ընթացող շախմատի մրցաշարի 9-րդ տուրում Լեւոն Բաբուջյանը հաղթեց Ռաթնակարանին, Հովիկ Հայրապետյանը պարտության մատնեց Ստեֆան Լուֆլերին, Վահե Բաղդասարյանն առավելության հասավ Կիրիլ Կուդերինովի նկատմամբ: Տուրն անհաջող էր Սամվել Տեր-Սահակյանի համար, որը պարտվեց Վալերի Նեւերովին: Տիգրան Ս. Պետրոսյանը հաշտություն կնքեց Ազեր Միրզոեւի հետ: Կարինա Համբարձումովան պարտվեց Դհոպադե Սվարնիլին, Մարիա Գեւորգյանը 2-րդ անընդմեջ պարտությունը կրեց Անուպ Դեշմուխի հետ մրցավեճում: 9 տուրից հետո մեր շախմատիստներից լավագույն արդյունքն ունեն Լեւոն Բաբուջյանն ու Հովիկ Հայրապետյանը, որոնք վաստակել են 6-ական միավոր: 5,5-ական միավոր ունեն Սամվել Տեր-Սահակյանը, Վահե Բաղդասարյանն ու Տիգրան Ս. Պետրոսյանը: Կարինա Համբարձումովան 5 միավոր է վաստակել, Մարիա Գեւորգյանն ունի 2,5 միավոր: 7,5-ական միավորով աղյուսակը գլխավորում են Գուջրաթի Վիդիթը, Միխայիլ Մոժարովը եւ Չիթամբարամ Արավինդը: | 
