ԵՎՐՈՀԱՆՁՆԱԺՈՂՈՎԸ ՏՈՒԳԱՆԵՑ 8 ԽՈՇՈՐԱԳՈՒՅՆ ԲԱՆԿԵՐԻ Եվրոհանձնաժողովը 1,7 մլրդ եվրո ընդհանուր գումարով տուգանել է 8 խոշորագույն բանկերի, որոնց թվում են Deutsche Bank-ը, Royal Bank of Scotland-ը եւ JP Morgan-ը: Բանկերը մեղադրվում են կարտելներ ստեղծելու եւ տոկոսադրույքներով ձեռնածություն անելու մեջ: Կարտելներն արհեստականորեն բարձրացրել էին գները դերիվատիվներիՙ ֆինանսական գործիքների ածանցյալների շուկայում, հաղորդում է BBC-ն: Barclays եւ USB բանկերը համապատասխանաբար 2,5 մլրդ եւ 690 մլն եվրո տուգանքների վճարումից ազատվել են քննիչների հետ համագործակցելու շնորհիվ: Մի քանի բանկ մասնակցել է միջբանկային վարկերի (եվրոյով կամ իենով) տոկոսադրույքների հետ կապված ձեռնածություններին: Դրանք կիրառվել են մասնավորապես հիպոթեկային վարկերի հատկացման ժամանակ: Royal Bank of Scotland-ը եղել է միաժամանակ մի քանի կարտելի մասնակից եւ կվճարի 391 մլն եվրո տուգանք: Ամենամեծ գումարը կվճարի Deutsche Bank-ը (725,35 մլն եվրո): Տուգանվել են նաեւ Sociռtռ Gռnռrale-ը, JP Morgan-ը, Citibank-ը եւ RP Martin-ը: Շարունակվում է HSBC-ի եւ Crռdit Agricole-ի գործերի քննությունը: Հարուցվել է մի քանի քրեական գործ: | 
