ԿԱԼԻՖՈՌՆԻԱՆ ՄԱՍՆԱՏԵԼՈՒ ԾՐԱԳԻՐ Պ. Ք. Ամերիկացի միլիարդատեր Թիմ Դրեյպերը առաջարկել է Կալիֆոռնիան բաժանել 6 նահանգների: Տվյալ ծրագիրն արդեն անհրաժեշտ թվով ստորագրություններ է հավաքել հանրաքվեի դրվելու համար, որը կարող է անցկացվել 2016 թ. նոյեմբերին, տեղեկացնում է «USA Today» թերթը: Դրեյպերի խոսքերովՙ Կալիֆոռնիայի մասնատման արշավը արդեն հավաքել է մեկ միլիոնից ավելի ստորագրություն: Քվեարկության դրվելու համար անհրաժեշտ է մոտ 800 հազար ստորագրություն: Ամերիկացի գործարարի եւ նախաձեռնության մյուս կողմնակիցների կարծիքովՙ 38 միլիոնանոց հսկայական նահանգի մասնատումը թույլ կտա ստեղծել 6 նոր օրենսդիր ժողով ու կառավարություն, որոնք կկարողանան ավելի մեծ հաջողությամբ լուծել տեղական խնդիրները: Տարածքային նոր միավորները նաեւ հնարավորություն կստանան գրելու սեփական սահմանադրություններ: Ենթադրվում է ստեղծել հետեւյալ նահանգները. Ջեֆերսոն, Հյուսիսային Կալիֆոռնիա, Կայծքարային հովիտ, Կենտրոնական Կալիֆոռնիա, Արեւմտյան Կալիֆոռնիա, Հարավային Կալիֆոռնիա: Կալիֆոռնիայի խորհրդարանի դեմոկրատ մեծամասնությունը արդեն խստիվ քննադատել է այդ ծրագիրը: Field Poll հաստատության սոցիոլոգիական հարցման տվյալների համաձայն, նահանգի բնակիչների 59 տոկոսը իր հերթին մերժում է տվյալ գաղափարը: | 
