«ՀՈԳԻՆԵՐԻ ԱՐԹՆՈՒԹՅԱՆ ԱՐՇԱՎԸ» 100-ԱՄՅԱԿԻՆՙ " ԱՆԱՀԻՏ ՀՈՎՍԵՓՅԱՆ, Գերմանիա «System Of A Down»-ի հուժկու ձայնով "System Of A Down"-ը ապրիլի 13-ին Քյոլնի Lanxess Arena-ում հանդես կգա բացառիկ համերգով, իրազեկում են Քյոլնի տեղական լրատվամիջոցներըՙ ամերիկահայկական ռոք խմբի երկրպագուներին ծանուցելով, թե «Հոգիների արթնության արշավը» նվիրված է լինելու Հայոց ցեղասպանության 100-ամյա տարելիցին: Իր հիմնադրումիցՙ 1998-ից սկսյալ խումբը ձայնագրել է 5 ալբոմ, վաճառել ավելի քան 31 միլիոն ձայնագիր (ֆոնոգրամ), արժանացել Գրեմմի մրցանակի, իր շուրջը հավաքել 21 միլիոն երկրպագու: Խմբի անդամները տարբեր համերգներում ներգրավված են եղել որպես մենակատարներ: 2011-ին "System Of A Down"-ը հնգամյա դադարից հետո նորից համաշխարհային բեմ է վերադարձել: Խումբն իր «Հոգիների արթնության արշավը» համերգային շրջագայությամբ, որը սկսվում է Լոնդոնի Wembley Arena-ից եւ ավարտվում Երեւանի Հանրապետության հրապարակում, նպատակ ունի տգիտության լռեցրած ձայնին հակադրել իր հուժկու ահազանգը: | 
