ԲԱՐԵԿԱՄՈՒԹՅԱՆ ՀԱՄԱՁԱՅՆԱԳԻՐ ԴՐՈՄԻ ԵՎ ՍԱՐՍԵԼԻ ՀԵՏ Հ. Ծ. Փարիզում գտնվող ԼՂՀ նախագահ Բակո Սահակյանը մայիսի 19-ին ծաղկեպսակ է դրել անմահն Կոմիտասի հուշարձանինՙ ի հիշատակ Հայոց մեծ եղեռնի զոհերի, տեղեկացնում է Ֆրանսիայից անկախ լրագրող Ժան Էսքիյանը: Հաջորդ օրը, մայիսի 18-ին, ԼՂՀ նախագահի գլխավորած պատվիրակությունը այցելել է երկրի հարավարեւելյան մասում գտնվող Դրոմի շրջան, որտեղ ստորագրվել է համագործակցության պայմանագիր այդ շրջանի եւ Արցախի, ինչպես նաեւ շրջկենտրոն Վալանսի եւ Ստեփանակերտի միջեւ: Այնտեղ ԼՂՀ նախագահին շնորհվել է Դրոմ նահանգի պատվավոր քաղաքացու կոչում եւ հանձնվել համապատասխան վկայագիր: Մայիսի 20-ին Փարիզի քաղաքապետ Ֆրանսուա Պուպոնին եւ ԼՂՀ նախագահ Բակո Սահակյանը փարիզամերձ Սարսել եւ Արցախի Մարտակերտ քաղաքների միջեւ բարեկամության հուշագիր են ստորագրել: Պատվիրակությանը, որի կազմում եղել են ԼՂՀ արտգործնախարար Կարեն Միրզոյանը եւ բարձրաստիճան այլ անձինք, մեծ շուքով են ընդունել Ֆրանսիայում: Ընդունելություններին մասնակցել են Ֆրանսիայում ՀՀ դեսպան Վիգեն Չիթեչյանը եւ ԼՂՀ մշտական ներկայացուցիչ Հովհաննես Գեւորգյանը: | 
