ԲԱՅԿՈՆՈՒՐԻՑ ԿԱՐՁԱԿՎԻ ԹՈՒՐՔԱԿԱՆ ԱՐԲԱՆՅԱԿ Պ. Ք. «Ռոսկոսմոսի» հաղորդման համաձայն, հոկտեմբերի 16-ին, Մոսկվայի ժամանակով 23-ն անց 40 րոպեին «Բայկոնուր» տիեզերակայանից «Պրոտոնում» մղիչ հրթիռի միջոցով կարձակվի թուրքական Turksat-4B տիեզերական սարքը: Դա ճապոնական «Միցուբիշի էլեկտրիկ» կորպորացիայի (MELCO) ստեղծած երկրորդ հեռահաղորդակցական տիեզերական սարքն է արբանյակային կապի թուրքական օպերատոր Turksat Satellite Communication, Cable TV and Operation A.S.-ի համար: Նոր արբանյակը հեռարձակման եւ լայնաշերտ կապի ծառայությունների տրամադրումը կապահովի Թուրքիայի տարածքում, Եվրոպայում, Կենտրոնական Ասիայում, Աֆրիկայում եւ Մերձավոր Արեւելքում: Turksat-4B-ն գեոստացիոնար ուղեծրում կտեղադրվի արեւելյան երկայնության 50 աստիճանի կայանակետում: |
