«ԱՆԱՏՈԼԻԱԿԱՆ ՊԱՏՄՈՒԹՅՈՒՆ» Հ. Ծ. Նոր ֆիլմ Ցեղասպանության մասին Այս տարվա նոյեմբեր ամսից Հայաստանում, Թուրքիայում, Ֆրանսիայում եւ Գերմանիայում սկսվելու են նկարահանումները Հայոց ցեղասպանությանը նվիրված մի նոր ֆիլմի, տեղեկացնում է Փարիզից անկախ լրագրող Ժան Էսքիյանը: Ֆիլմի ռեժիսորն է Արտակ Իգիթյանը, ով 2011-ին նկարահանել էր «Արեւածագը Վանա լճի վրա» ֆիլմը: Երաժշտությունը գրել է Միշել Լեգրանը: Ֆիլմը պատմում է ծերունի մի թուրքի մասին, ով ատում է հայերին: Մի օր նա հայտնաբերում է, որ ծնունդով հայ է եղել: Առերեսվելով անցյալի հետ, նա սկսում է վերանայել իր հայացքները եւ նոր կյանքով ապրել: Ֆիլմը ցույց է տալիս, թե ինչպես անցյալը երբեմն կարող է ներխուժել մարդկանց առօրյա կյանքի մեջ եւ ամբողջովին նոր ընթացք տալ նրանց կենսագործունեությանը: Գլխավորՙ Ղազի Մուսթաֆայի դերը վստահվելու է ֆրանսիացի դերասան Ժերար Դարմոնին (Մեծ ներում, 2), իսկ նրա որդու դերըՙ Սամի Նասերին (Տաքսի): Նկար 1. Արտակ Իգիթյան - Ժերար Դարմոն Նկար 2. Սամի Նասերի-Արտակ Իգիթյան | 
