ՆՈՐ ՀՐԱՏԱՐԱԿՈՒԹԻՒՆՆԵՐ Պատրաստեցՙ ԳԷՈՐԳ ԵԱԶԸՃԵԱՆԸ - Արամեան Մեսրոպ Քահանայ, «Աշխատութիւններ» , Ա. եւ Բ. հատորներ, խմբագիրՙ Սեդա Ստամպոլցեան, Երեւան, 2016, 472 + 448 էջ (15 x 20.7 սմ.) (Ա. հատորըՙ աստուածաբանութիւն, Բ. հատորըՙ աստուածաբանութիւն, «Արարատից Սիոն» շարժապատկերին բեմագիրը, հայկազեան ուղղագրութեան վերականգնման, կրթական եւ արժէքային համակարգի հարցեր, Ս. Գրիգոր Նարեկացիին արժեւորումը: Բացի աստուածաբանական գրութիւններէն, մնացեալը լոյս տեսած է հայերէն, անգլերէն եւ ռուսերէն): - Մսըրլեան Զաւէն, «Մկրտիչ Մսըրլեանի Ազգային-Քաղաքական Գործունէութիւնը» , Բ. հրատարակութիւն (որոշ բարեփոխումներով), հրատարակութիւն Թէքէեան Մշակութային Միութեան Հիմնադիրներու Մարմինի, Պէյրութ, 2016: - Գէորգեան Ռէմոն, «Հայոց Ցեղասպանութիւնը» , անգլերէնէ թարգմանեց Սահար Թաուֆիք, վերատեսութիւն, խմբագրում եւ ուղեցոյց ցանկի պատրաստումՙ Գէորգ Եազըճեանի, հրատարակութիւն Գահիրէի Հ. Բ. Ը. Մ.ի Սաթենիկ Չաքըր հիմնադրամի, տպարան «Նուպար», Գահիրէ, 2015, 1328 էջ (17 x 24 սմ.) (Հայոց Ցեղասպանութեան ամբողջական պատմութեան փորձ, աղբիւրներու յղումներ, ծանօթագրութիւններ, անուանացանկ-ուղեցոյց, արաբերէն): - Հերկելեան Վարուժան Արք. (աշխատասիրեց), «Դիւան Նոր Ջուղայի Ս. Ամենափրկիչ Վանքի» , Բ. մաս, Նոր Ջուղա, 2016: Լոյս տեսած է Տէր եւ Տիկին Վարդան եւ Անահիտ Վարդանեաններու մեկենասութեամբ: - Շառոյեան Լեւոն, «Դեգերումներ Հայ Գիրի Եւ Պատմութեան Գետեզրին» , Բերիոյ թեմի «Այգ» մատենաշար թիւ 20, տպարան «Ոսկետառ», Հալէպ, 2016, 320 էջ (գրական եւ պատմական քննադատական հրապարակումներ, պատկերազարդ): - Ղուկասեան Արթուր (կազմող եւ խմբագիր), «Հայոց ցեղասպանութեան հարիւրամեակը - Մէկդարեայ Լռութիւն» , Վալենսիա - Սպանիա, 2016 (սպանագիր աշխարհէն 35 մտաւորականներու գրութիւններ Հայոց ցեղասպանութեան մասին, սպաներէն): - Սարգսեան Աշոտ, «Հայաստանի նորագոյն պատմութեան ուրացումն ու կեղծումը (1988-1998 Թթ.)» , հեղինակային հրատարակութիւն, Երեւան, 2015, 104 էջ (Հ. Հ.ի դպրոցական եւ համալսարանական դասագիրքերու մէջ Արցախեան շարժման եւ Լեւոն Տէր-Պետրոսեանի նախագահութեան տարիներուն առնչուած տեղեկութիւններուն մէջ խեղաթիւրումները եւ անոնց խստագոյն քննադատութիւնը): Շարունակելի |
