«ԿԱՐՈՉԵ» ԿԱՐՃԱՄԵՏՐԱԺ ՖԻԼՄԵՐԻ ՄԻՋԱԶԳԱՅԻՆ ՓԱՌԱՏՈՆ Մ. Հ. Օրերս Կալինինգրադի «Զարյա» կինոթատրոնում ավարտվեց «Կարոչե» կարճամետրաժ ֆիլմերի միջազգային փառատոնը, որը մեկնարկել էր օգոստոսի 23-ին: Ռեժիսոր Ռոման Արտեմեւի «Փրկիչը» կինոնկարն արժանացավ լավագույն ֆիլմի կոչմանը եւ պարգեւատրվեց 500 հազար ռուբլիով : Լավագույն ռեժիսորական աշխատանքի համար մրցանակի արժանացավ Ալեքսանդր Եվսեեւին «Ընթրիք» ֆիլմի համար, իսկ լավագույն սցենարի համար` «Չիպպենդեյլ» ֆիլմի սցենարիստ եւ ռեժիսոր Կամիլա Սաֆինան: Թաթո Կոտետիշվիլու «Ձմերուկ» ֆիլմը արժանացավ Ժյուրիի հատուկ մրցանակին, իսկ ահա լավագույն անիմացիոն ֆիլմի համար` ռեժիսոր Դմիտրի Վոլոշինի «Ջի-ոչ ստանդար իրավիճակ» կինոնկարը: Փառատոնի ժյուրիի կազմը բաղկացած էր Գլեբ Օռլովից, պրոդյուսեր Նիկիտա Տրինկինից, կոմպոզիտոր Եվգենի Գալպերինից, բանաստեղծ Օլեգ Գրուզից եւ «Էքսպոնենտա ֆիլմ» դիստրիբուցիոն ընկերության գլխավոր տնօրեն Յուլյա Մուրավյովայից: Պաշտոնական արարողությունից հետո ամառային թատրոնում կայացավ դերասան Գոշա Կուցենկոյի համերգը: | 
