ՄԱՍՆԱԿԻՑՆԵՐԻՑ 9 ՀԱՅՏՆԻ ԵՆ ՖԻԴԵ-ն հաստատել է նոյեմբերի 24-ից դեկտեմբերի 6-ը Թուրքիայի Անթալիա քաղաքում կայանալիք աշխարհի թիմային առաջնության մասնակիցների կազմը: Հայաստանի հավաքականի մրցակիցները կլինեն Ռուսաստանը, Ուկրաինան, Հոլանդիան, Գերմանիան, ԱՄՆ-ը, Չինաստանը, Եգիպտոսն ու Թուրքիան: 10-րդ մասնակցին կընտրի ՖԻԴԵ-ի նախագահը: Շախմատի դպրոց Դավթաշենում Երեկ Դավթաշենում շախմատի նոր դպրոց է բացվել: Արարողությանը ներկա է գտնվել Երեւանի քաղաքապետ Տարոն Մարգարյանը, որը շախմատի ակադեմիայի նախագահ Սմբատ Լպուտյանի հետ շրջել է դպրոցում, ծանոթացել պայմաններին: Նախատեսվում է առաջիկա երկու տարում շախմատի մասնագիտացված դպրոցներ բացել Երեւանի բոլոր համայնքներում: Հաջորդ դպրոցը կբացվի Աջափնյակ համայնքում: Դավթաշենի շախմատի դպրոցում ուսուցումն անվճար է: Դպրոց կարող են ընդունվել 5-10 տարեկան երեխաները: | 
