ՊԱՏԱՆԻ ՇԱԽՄԱՏԻՍՏՆԵՐՆ ԸՆԴԴԵՄ ԳՐՈՍՄԱՅՍՏԵՐՆԵՐԻ Բուդապեշտում մեկնարկել է Գարի Կասպարովի շախմատի հիմնադրամի կազմակերպած «Մեծ հույսեր» մրցաշարը, որին մասնակցում են 4 գրոսմայստերներ եւ ամերիկացի 2 պատանի շախմատիստներՙ 13-ամյա Սամուել Սեւյանն ու 15-ամյա Կայդեն Տրոֆը: Մրցաշարն անցկացվում է շրջանաձեւ մրցակարգով, 2 շրջանով: Առաջին 2 պարտիաներում ամերիկահայ Սեւյանը ոչ-ոքի խաղաց գրոսմայստերներ Զոլթան Վարգայի եւ Իմրե Բալոգի հետ, իսկ 3-րդ տուրում պարտվեց ռումինացի գրոսմայստեր Լեւենտե Վայդային: | 
