«ՕՍԿԱՐ» 86-ՐԴ ՄՐՑԱՆԱԿԱԲԱՇԽՈՒԹՅՈՒՆ ՄԱՆԱՆԱ ՀՈՎԱԿԻՄՅԱՆ Մարտի 2-ին տեղի կունենա «Օսկար» 86-րդ մրցանակաբաշխությունը: Հայտնի է, որ այդ օրը Լոս Անջելոսի «Դոլբի» թատրոնի բեմ կբարձրանան Անջելինա Ջոլին, Շարլիզ Թերոնը, Քեւին Սփեյսին, Չենինգ Տատումը, Ջոն Տրավոլտան, Ջիմ Քերին, Բրեդլի Կուպերը, Դենիել Դեյ Լյուիսը, Ռոբերտ դե Նիրոն, Հարիսոն Ֆորդը, Վուփի Գոլդբերգը, Ջենիֆեր Լոուրենսը, Ուիլ Սմիթը, Քերի Վաշինգթոնը, Էմմա Ուոթսոնը Այդ օրը կորոշվեն կինոաշխարհի 2013թ. լավագույնների անունները, իսկ արարողությունը կվարի կատակերգու դերասանուհի Էլեն Դեջեներեսը: Ցավոք պետք է փաստենք, որ այս տարվա «Օսկարի» անվանակարգերում չկա հայկական որեւէ անուն: Ի դեպ, այս տարի ֆրանսահայ դերասան եւ կինոռեժիսոր Սերժ Ավետիքյանի «Փարաջանով» ֆիլմը «Օսկարի» ուկրաինական կոմիտեն առաջադրել էր որպես «Լավագույն միջազգային ֆիլմ» անվանակարգի համար, բայց այն նույնպես չընդգրկվեց այդ ցուցակում: |
