 |
«ԱԶԳ» ՕՐԱԹԵՐԹ #38, 28-11-2014
| | Տեղադրվել է` 2014-12-04 21:32:35 (GMT +04:00) |
Ընթերցված է` 1648, Տպվել է` 20, Ուղարկվել է էլ.փոստով` 9
| ՏԱՐԵԿԱՆ ՄԵԿԻՑ ԱՎԵԼԻ ՀԱՐԿԱՅԻՆ ՍՏՈՒԳՈՒՄՆԵՐԸ` ԲԱՑԱՌԻԿ ԴԵՊՔԵՐՈՒՄ Ա. Մ. Կառավարության երեկվա նիստը սկսելուց առաջ վարչապետ Հովիկ Աբրահամյանն անդրադարձավ հարկային ստուգումներին առնչվող խնդրին եւ հետեւյալն ասաց. «Ցանկանում եմ ձեզ մի տեսակետ ներկայացնել, եւ դա նաեւ մտահոգություն է: Մեր կառավարության մշտական շեշտադրումներից է տնտեսվարողների գործունեության համար հնարավորինս նպաստավոր պայմաններ ստեղծելը: Կարեւոր է ամեն կերպ խթանել տեղական հայրենական արտադրողին թե՛ մակրոտնտեսական առումովՙ մրցունակ միջավայր ապահովելու, թե՛ տնտեսվարողի գործունեությանը տարբեր միջամտություններն էապես նվազեցնելու տեսակետից: Պետությունը պետք է արդյունավետ միջամտի եւ ոչ թե օրերով ու շաբաթներով լարվածության եւ ավելորդ հոգսերի մեջ պահի մեր տնտեսվարողին: Որպես այդպիսի մի քայլ, հանձնարարում եմ յուրաքանչյուր օրացուցային տարում ՀՀ հարկային մարմինների կողմից օպերատիվ հետախուզական միջոցառումները սահմանափակել մեկ անգամով, մեկից ավելի անգամ ստուգումները վերապահելով միայն բացառիկ դեպքերում խիստ ծանրակշիռ փաստարկների պարագայումՙ վարչապետի թույլտվությամբ», ասաց վարչապետը: | | | | | |
|
|
|
