Տեղադրվել է` 2015-04-15 22:08:54 (GMT +04:00)

Ընթերցված է` 1677, Տպվել է` 17, Ուղարկվել է էլ.փոստով` 4

ՀԱՅՈՑ ՑԵՂԱՍՊԱՆՈՒԹՅԱՆ ՎԿԱՅԱԳԻՐՔ

Դամասկոսցի Ֆաիզ էլ Հուսեինը այն բազմաթիվ վկաներից է, ովքեր անտարբեր չնայեցին մի ամբողջ ժողովրդի կոտորածին ու իրենց տեսածը որպես վավերագրություն հանձնեցին թղթինՙ ի լուր աշխարհի: 1917 թվականին նիդեռլանդերենով Դեն Հաախում (Հաագա) լույս է տեսել Հուսեինի «Կոտորածները Հայաստանում» գիրքը: Նպատակ ունենալով փոքրիշատե նպաստել թուրթ-ադրբեջանականՙ աշխարհով մեկ տարածվող սուտ ու կեղծ հակահայ քարոզչության դեմ պայքարին, Բելգիայում գործող «ՆՈւԱՐԴ» մշակութային միության նախաձեռնությամբ վերատպվել է գիրքըՙ հին ֆլամանդերենից նորի վերածելով: Գիրքը վերատպվել է նորՙ գունավոր կազմով ու «ՆՈւԱՐԴ» մշակութային միության նախագահ Գեւորգ Մինասյանի առաջաբանով. այն նվիրվում է Հայոց մեծ ցեղասպանության 1,5 միլիոն անմեղ ու անշիրիմ զոհերի հիշատակին:

Գիրքը տրամադրվում է Բելգիայում արտերկրների դեսպանություններին, գրադարաններին, շահագրգիռ կառույցներին, անհատներին:

Աշխատանք է տարվում տրամադրել նաեւ Հոլանդիայում հավատարմագրված դեսպաններին:

«Նուարդ» մշակութային միության լրատվական ծառայություն