ՓԱՇԻՆՅԱՆ-ԱԼԻԵՎ ԱՌԱՋԻՆ ՊԱՇՏՈՆԱԿԱՆ ՀԱՆԴԻՊՈՒՄՆՙ ԱՅՍՕՐ ԱՆԱՀԻՏ ՀՈՎՍԵՓՅԱՆ, Գերմանիա Երեկ Վիեննայում ՀՀ արտգործնախարար Զոհրապ Մնացականյանը հանդիպել է ԵԱՀԿ Մինսկի համանախագահների, ԵԱՀԿ գործող նախագահի անձնական ներկայացուցչի հետ, նույն օրն ավելի ուշ նախատեսված էր հանդիպում նաեւ Ադրբեջանի արտգործնախարար Մամեդյարովի հետ: Այսօրՙ մարտի 29-ին, Ավստրիայի մայրաքաղաքում կկայանա ՀՀ վարչապետ Փաշինյանի եւ Ադրբեջանի նախագահ Ալիեւի առաջին պաշտոնական հանդիպումը: Ամենայն հավանականությամբ այն տեղի կունենա մինչ երկու ղեկավարներիՙ Ավստրիայի նախագահի եւ կանցլերի հետ ԶԼՄ- երի համար բաց հանդիպումը: Նախագահ Ալեքսանդր Վան դեր Բելլենը ժամը 15. 15- ին կհանդիպի Փաշինյանին, ժամը 18. 30-ինՙ Ալիեւի հետ: Կանցլերի նստավայրում Սեբաստիան Քուրցն առաջինըՙ ժամը 16-ին կհանդիպի Իլհամ Ալիեւին: Հայաստանի իր պաշտոնակցի հետ հանդիպումը կկայանա ժամը 17. 30- ին: Մի փոքրիկ դիտարկումՙ Ավստրիայի պաշտոնատարների գերմաներեն հաղորդագրություններում նախընտրելի են գտել Իլհամ Ալիեւի անվան ադրբեջաներեն գրելաձեւը: Առայժմ սա միակ «դիսկրիմինացիան» է: Կհետեւենք ավստրիական ԶԼՄ- ների աշխատանքին: | 
