ԱՐՁԱՆԱԳՐՈՒԹՅՈՒՆ ՆԱԻՐ ՅԱՆ «Իշխանական աբսուրդ» ժանրից Աբսուրդ 1 . «Մենք մեր պարտությունը պիտի փոխակերպենք հաղթանակի, բայց պիտի փոխակերպենք նաեւ հաղթանակի մեր բանաձեւը, որովհետեւ պատմությունը դա է ցույց տվել:Հաղթելու համար պարտադիր չէ, երբեմնՙ նույնիսկ պետք չէ հաղթել ուրիշներին»,- ՀՀ անկախության 30 ամյակին նվիրված հանդիսության ժամանակ ասել է վարչապետ Նիկոլ Փաշինյանը : Աբսուրդ 2 . Տաջիկստանի նախագահ Էմոմալի Ռահոմանի ՙ Հայաստանի Հանրապետության անկախության 30-ամյակի առթիվ Նիկոլ Փաշինյանին ուղղված շնորհավորական ուղերձում ասել է. «Այս տարիների ընթացքում Հայաստանն ունեցել է ձեռքբերումների մի ամբողջ շարքՙ երկրի սոցիալ-տնտեսական զարգացման, ժողովրդի բարեկեցության բարելավման եւ միջազգային ասպարեզում իր դիրքի ամրապնդման գործում»: Աբսուրդ 3 . «Ադեկվադ» միաբանության ղեկավար Արթուր Դանիելյանը սեպտեմբերի 22-ին բերման է ենթարկվել ոստիկանության բաժին, ապա քիչ անց բաց թողնվել: Բանն այն է, որ նա սեպտեմբերի 7-ին գրառում է արել եւ հայհոյել Ալենին: Ոստիկանությունում հարցրել ենՙ ում է նա նկատի ունեցել: Արթուրը պատասխանել է... Ալեն Դելոնին: Աբսուրդ 4 . «Անկախության տոնը չի ենթադրում ռազմական շքերթ. դուք ձեր տարեդարձները նույն կերպ չեք նշում, մեկ հարազատների հետ եք նշում, մեկ ցուցադրական եք նշում, մեկ միայն ընտանիքի անդամներով եք նշում»,- լրագրողների հետ ճեպազրույցի ժամանակ ասել է իշխանական պատգամավոր Սերգեյ Բագրատյանը , երբ նրան հարցրել ենՙ ինչո՞ւ անկախության տոնին ոչ թե զինվորական շքերթ եղավ, այլ «գունանգեղ» համերգ: Աբսուրդ 5 . «Եթե այդ ենթադրյալ գումարը բաժանեինք զինվորների թվի վրա, յուրաքանչյուրին չնչին գուրմար էր հասնելու, մինչդեռ զինվորին ու նրա ծնողին նաեւ խրախուսող բաներ են պետք»,- ասել է իշխանական պատգամավոր Սերգեյ Բագրատյանը, երբ նրան հարցրել ենՙ արդյո՞ք ավելի լավ չէր լինի, եթե Անկախության տոնակատարության ժամանակ դրոնների տասրոպեանոց պարի համար ծախսված 110.000 դոլարը տրամադրվեր վիրավոր զինվորների վիրահատությանը, առողջության վերականգնմանը: Աբսուրդ 6 . Իշխանական պատգամավոր Վահե Ղալումյանն ԱԺ-ում հայտարարել է, որ Հայաստանի 441 համայնք կօպտիմալացվի, արդյունքում կձեւավորվի 37 խոշորացված համայնք: ... 441-իցՙ 37: Ընդդիմությունը կանխատեսումներ է անում, որ այսկերպ Փաշինյանն ուզում է ազատվել համայնքների ընդդիմադիր եւ ոչ ցանկալի ղեկավարներից: Աբսուրդ 7 . ԵՊՀ ռեկտորի ժամանակավոր պաշտոնակատար Հովհաննես Հովհաննիսյանը դատական հայց է ներկայացրել ընդդեմ «Politik.amե լրատվական կայքիՙ իրեն «սորոսական» ասելու համար: Հովհաննիսյանի հայցի առիթ է դարձել կայքի հետեւյալ հրապարակումըՙ «Սորոսական Հովհաննես Հովհաննիսյանը կնշանակվի ԵՊՀ ռեկտորի ԺՊ»: «Politik.am»-ի խմբագիր Բորիս Մուրազին հայտնել է, որ Հովհաննիսյանը նաեւ 1 մլն դրամ է պահանջել որպես տուգանք վիրավորանքի համար: Աբսուրդ 8 . «Առավոտի» տեղեկություններովՙ սեպտեմբերի 20-ին ոստիկանության բաժին է զանգահարել 38-ամյա Փայլակ Ս. -ն եւ հայտնել, որ ինքը սեռական բնույթի հայհոյանքներ է ուղղում վարչապետ Նիկոլ Փաշինյանին եւ քաղաքական այլ գործիչների: | 
