ՎՐԱՑՈՒՀԻՆ ԵՎ ՀԱՅՈՒՀԻՆՙ ՌՈՄԵՈ ԵՎ ՋՈՒԼԻԵՏ Ա. Բ. Նորվեգիայի Բերգենի Ազգային օպերայում նոյեմբերի 5-11-ին ներկայացվել է Վինչենցո Բելլինիի «Կապուլետներ եւ Մոնտեկիներ» օպերանՙ գերմանացի երիտասարդ ռեժիսոր Նիկոլա Ռաաբի բեմադրությամբ: Գլխավոր դերերգերը կատարելու համար Ռուսաստանից հրավիրվել են վերջին ժամանակներս ճանաչում գտած երկու օպերային երգչուհիներ, մեկը վրացուհի, մյուսըՙ հայուհի: Ռոմեոյի դերը կատարել է Պետերբուրգի Մարիինյան թատրոնի ... մեներգչուհի, մեցցո-սոպրանո Նինո Սուրգուլաձեն, Ջուլիետինըՙ Մոսկվայի Մեծ թատրոնի երիտասարդական ծրագրի արտիստուհի, «Թագուհի Սոնյա» մրցույթի դափնեկիր, սոպրանո Քրիստինա Մխիթարյանը: «Նրանք երգում ենՙ ասես մեկ մարմին դարձած»,- «Օպերա, որը քեզ արտասվել կտա» հոդվածում գրել է «Բերգենս թիդենդե» («Բերգենի օրաթերթ») լրագրի թղթակիցը: Քրիստինա Մխիթարյանը, ծնված 1987-ին, Նովոռոսիյսկում, Մոսկվայի Գնեսինների երաժշտական ուսումնարանում աշակերտել է Ռուզաննա Լիսիցյանին: Անցյալ տարի նա Օսլոյի օպերայում հաջողությամբ հանդես է եկել Վիոլետայի դերերգով «Տրավիատա» օպերայում: |
