Արմավիրի մարզում մայիսի 12-ի կարկուտից տուժած գյուղերին եւ գյուղացիներին օգնելու լայնածավալ ծրագիր երեկ հաստատվեց կառավարությունում: Այն ներկայացրեց վարչապետ Տիգրան Սարգսյանը , որը նախորդ օրը փոխվարչապետի, գյուղատնտեսության նախարարի եւ Կենտրոնական բանկի նախագահի հետ եղել էր Արմավիրի մարզում, տեղում ծանոթացել կարկուտի վնասներին, լսել գյուղացիների մտահոգություններն ու առաջարկները:
Մայիսի 16-ին Սպիտակ տանը նախագահ Բարաք Օբաման ընդունել էր Թուրքիայի վարչապետ Ռեջեփ Թայիփ Էրդողանին: Հանդիպումը կարեւոր նշանակություն ունեցավ Սիրիայի հարցում ԱՄՆ-ի որդեգրած դիրքորոշումը ճշտելու եւ Թուրքիայի պահանջների անհամատեղելիությունը այդ դիրքորոշման հետ բացահայտելու առումով:
Պորտուգալիայի հանրապետություն կատարած աշխատանքային այցի ընթացքում Ազգային անվտանգության խորհրդի քարտուղար Արթուր Բաղդասարյանը հանդիպում է ունեցել Պորտուգալիայի արտաքին հարաբերությունների, համագործակցության եւ անվտանգության հարցերով պետական քարտուղար Ֆրանսիսկո Ալմեիդա Թեիթի հետ: Կողմերը քննարկել են հայ-պորտուգալական հարաբերություններին առնչվող հարցերի լայն շրջանակ: Հանդիպման ընթացքում երկուստեք ընդգծվել է, որ երկու երկրների միջեւ գործակցության մակարդակը խիստ անբավարար ...
Երեւանում ամփոփվել են դպրոցականների առարկայական օլիմպիադայի քաղաքային փուլի արդյունքները: Օլիմպիադային մասնակցել է 8-12-րդ դասարանների 8500 աշակերտ, որոնցից 381-ը արժանացել են առաջինից երրորդ կարգի դիպլոմների:
Լոռու մարզի Տաշիր քաղաքի մանկապարտեզներից մեկը (նկարում) տարածքի ամենահին շինություններից է եւ կրում է ժամանակի կնիքը. քաղաքաշինական մասնագիտական փորձաքննությամբ մանկապարտեզի շենքը համարվել է շահագործման համար ոչ պիտանի եւ վթարավտանգ: Եվ ահա, «Տաշիր» բարեգործական հիմնադրամը, Կարեն եւ Սամվել Կարապետյանների գլխավորությամբ, որոշել է կառուցել նոր ու ժամանակակից բոլոր պահանջներին համապատասխանող մանկապարտեզ:
Ինչպես տեղեկացանք Համաշխարհային բանկի երեւանյան գրասենյակից, Համաշխարհային բանկի գործադիր տնօրենների խորհուրդը երեկ հաստատել է ոռոգման համակարգերի արդիականացման ծրագրի շրջանակներում 30 միլիոն դոլար վարկի հատկացումը Հայաստանին:
Ինչպես տեղեկացանք ՍԴՀԿ հայ ամերիկյան խորհրդից, Լոս Անջելեսի քաղաքապետարանի մայիսի 21-ին տեղի ունեցած ընտրություններում քաղաքապետ է ընտրվել Էրիկ Կարսեթը: Մինչ այդ նա քաղաքապետարանի խորհրդում ներկայացնում էր 13-րդ ընտրաշրջանը, որի մեջ է ընդգրկված նաեւ Հոլիվուդի հայաշատ Լիթլ Արմենիա թաղամասը: Կարսետի մրցակիցն էր Ուինտի Կրուլը, որը ցանկանում էր դառնալ ԱՄՆ-ի երկրորդ խոշոր ...
Մայիսի 23-ին միջուկային էներգիայի վերաբերյալ ԱՄՆ հովանու ներքո կազմակերպված աշխատաժողովի ժամանակ ՀՀ-ում ԱՄՆ դեսպան Ջոն Հեֆերնը առիթ ունեցավ ներկա լինելու Միացյալ Նահանգներում գտնվող միջուկային ռեակտորի հետ հեռահար կապի հաստատմանը: Սա առաջին նման ձեռնարկն էր Կովկասում, եւ փորձագետները կարողացան հեռահար կերպով գործածել Վիսկոնսինի համալսարանի (Մեդիսոն) TRIGA հետազոտական ռեակտորը լաբորատոր վարժությունների նպատակով: ...
Ինչպես տեղեկացանք A&B Cooperation բարեգործական կազմակերպությունից, A&B Cooperation ՍՊԸ-ն, հայ-ամերիկյան Ara Geghecik International կազմակերպության հետ համատեղ, սկսում է իր ծրագիրըՙ ուղղված Հայաստանի Հանրապետությունում արեւային էներգակայանների ցանցի ստեղծմանն ու զարգացմանը: Առաջին եւ ամենահզոր կայանի տեղադրումը նախատեսված է հուլիս ամսին երկրի ամենաբարձր լեռան` Արագածի գագաթին:
Երեկ հայտնի դարձավ այն երջանիկ բաժանորդը, ով ստացել էր մայիսի 13-ից 19 ժամանակահատվածի 50.000-րդ միջազգային հեռախոսազանգը: Նա Երեւանում բնակվող Տաթեւիկ Սողոմոնյանն է, ում զանգահարել էր իր ընկերը Ռուսաստանից: Orange-ի գրասենյակում Տաթեւիկը ստացավ առաջիկա ամռան ընթացքում Ռուսաստան մեկնելու օդանավի տոմսի հավաստագիր:
Բայց եւ այնպես, Կովկասում կամավորական շարժման լուծարումով արեւմտահայության շրջանում չի մարել հայրենի տարածքներն ազատագրելու եւ հայ ժողովրդի ապրելու բնական իրավունքը պաշտպանելու սրբազան զգացումը եւ նա ձեռնամուխ է եղել սեփական ուժերով կամավորական նոր շարժում կազմակերպելուն: Այդ նպատակով արտասահմանի, մասնավորապես, ԱՄՆ-ի հայությունը կարեւոր բացատրական աշխատանք է իրականացրել դաշնակից տերությունների շրջանումՙ նրանցից ակնկալելով ...
Սերգեյ Գալստյանի «Ժամանակը եւ փաստը» աշխատությունը առաջին ամբողջական ուսումնասիրությունն է հայկական վավերագրական կինոյի պատմության, որով հեղինակը զբաղվել է անցած դարի 70-ականներից, իսկ մինչ այդ Երեւանի վավերագրական ֆիլմերի կինոստուդիայում խմբագրի իր աշխատանքը նույնպես աջակցող հանգամանք է ունեցել: Գիրքը գրելու առաջարկությունը արվել է «Հայկ» կինոստուդիայի գեղարվեստական ղեկավար, Հայաստանի կինեմատոգրաֆիստների միության նախագահ Ռուբեն ...
Ինչպես տեղեկացնում է ՀՀ արտաքին գործերի նախարարության մամուլի, տեղեկատվության եւ հասարակայնության հետ կապերի վարչությունը, մայիսի 22-ին Բեյրութի «Բիել» համալիրում «Դար ալ Մուրադ» հրատարակչատունը Լիբանանում ՀՀ դեսպանության, Հայկազյան եւ մի շարք այլ համալսարանների աջակցությամբ, Հայոց ցեղասպանության 100-ամյակին նվիրված միջոցառումների շրջանակներում կազմակերպեց «Մեր բանաստեղծները, որոնք կերտել են Հայաստանի փառքը» արաբերեն լեզվով տպագրված ...
Մայիսի 28-ին Հայաստանի ավտոմոբիլային ֆեդերացիան եւ Երեւան քաղաքի պատմության թանգարանը համատեղ կանցկացնեն ռետրո ավտոմեքենաների ցուցահանդես, որը կմեկնարկի Էրեբունի թանգարանի մոտ եւ կշարժվի դեպի Հյուսիսային պողոտա, որտեղ տեղի կունենան ֆլեշմոբ ներկայացումներ:
Վարուժան Սահակյանը հասարակությանը ծանոթ է հատկապես մի քանի աչքի ընկնող կառույցներով` Երեւանում եւ Հայաստանի տարբեր մարզերում: Սակայն նրա նկարչական արվեստն էլ արվեստագետին բացահայտելու մի առանձնակի հնարավորություն է, նրա էության նրբերանգներին ծանոթանալու, ինչպիսին լինելու նոր բացահայտում: Այդ ամբողջին Վարուժան Սահակյանը հասել է իր վրձնի ազնվությամբ: Ճարտարապետը չէր պատրաստվում իր նկարաշարը ցուցադրել: ...
Հենրիխ Մխիթարյանը Դոնեցկի «Շախտյորի» կազմում 3-րդ տարին անընդմեջ դարձավ Ուկրաինայի գավաթակիր: «Շախտյորը» Խարկովում կայացած գավաթի եզրափակիչ խաղում 3-0 հաշվով ջախջախեց Օդեսայի «Չեռնոմորեցին» եւ 3-րդ տարին անընդմեջ ոսկե դուբլ ձեւակերպեցՙ դառնալով չեմպիոն եւ գավաթակիր: Թիմի հաղթանակը եզրափակիչում ապահովեցին «Շախտյորի» բրազիլացի ֆուտբոլիստներ Ֆեռնանդինյոն, Տեյշերան ու Թայսոնըՙ մեկական անգամ գրավելով մրցակցի դարպասը:
Ֆրանսիայի մինչեւ 18 տարեկանների շախմատի առաջնությունում հաղթող է ճանաչվել մեր հայրենակից Ռուդոլֆ Գրիգորյանը: Նա 9 հնարավորից վաստակել է 7,5 միավոր, արժանացել է խաղարկվող գավաթին: Այս փայլուն հաղթանակին Ռուդոլֆ Գրիգորյանը հասել է փուլ առ փուլ: 2009-ի հուլիսին Ջերմուկում մասնակցել է մինչեւ 18 տարեկանների շախմատի մրցաշարին: Այդ ժամանակ մեկ ամիս մարզվում էր ...
Հուլիսի 22-ից օգոստոսի 4-ը Սերբիայի մայրաքաղաք Բելգրադում կանցկացվի շախմատի Եվրոպայի կանանց անհատական առաջնությունը: Հայաստանն այդ մրցումներում կներկայացնեն Լիլիթ Մկրտչյանը, Մարիա Կուրսովան, Լիլիթ Գալոյանն ու Աննա Հայրապետյանը:
Հուլիսին Երեւանում տեղի կունենան հայ մարմնամարզական ընդհանուր միության (ՀՄԸՄ) հերթական մարզական խաղերը: Միջոցառման անցկացմանը մեծապես կաջակցի Հայաստանի ազգային օլիմպիական կոմիտեն եւ «Գագիկ Ծառուկյան» բարեգործական հիմնադրամը:
Հունիսի 14-ին ԱՄՆ-ի Նյու Ջերսի նահանգում իր հերթական մենամարտը կանցկացնի հայ պրոֆեսիոնալ բռնցքամարտիկ Արտ Հովհաննիսյանը: 10-ռաունդանոց մենամարտում նա կմրցի Կանադայի դրոշի ներքո հանդես եկող աղվանական ծագում ունեցող Արաշ Ուսմանիի հետ:
Հունգարիայում անցկացվող ֆուտբոլի պատանեկան մրցաշարում Հայաստանի մինչեւ 17 տարեկանների պատանեկան հավաքականը 2-րդ անընդմեջ պարտությունը կրեցՙ 1-6 հաշվով զիջելով շվեյցարացիներին: Միակ գոլի հեղինակ դարձավ Դավիթ Տերտերյանը:
