ՄԻԱԿ ԳՈԼԸ ՀԱՂԹԱՆԱԿ ՊԱՐԳԵՎԵՑ «ԳԱՆՁԱՍԱՐԻՆ» Երեկ «Գանձասար»-«Ուլիս» հանդիպումով մեկնարկեց ֆուտբոլի Հայաստանի բարձրագույն խմբի առաջնության 7-րդ տուրը, որով կավարտվի մրցաշարի առաջին շրջանը: Խաղասկիզբը հաջող էր դաշտի տերերի համար: Արդեն 9-րդ րոպեին առաջնության լավագույն ռմբարկու Արտակ Դաշյանը բացեց հաշիվը: Առաջին խաղակեսի ավարտին «Գանձասարը» կարող էր կրկնապատկել հաշիվը, սակայն Նարեկ Բեգլարյանը չիրացրեց 11 մ հարվածը: 2-րդ խաղակեսում հաշիվը չփոփոխվեց: «Գանձասարը» հաղթեց 1-0 հաշվով եւ 11 միավորով տեղափոխվեց 3-րդ հորիզոնական: Այսօր կկայանա տուրի կենտրոնականՙ «Փյունիկ»-«Արարատ» հանդիպումը ֆուտբոլի ակադեմիայի մարզադաշտում, իսկ «Միկան» կհյուրընկալի «Շիրակին»: Վաղը կմրցեն «Բանանցն» ու «Ալաշկերտը»: | 
