ՏԻԳՐԱՆԸ ԵՐԵՎԱՆՈՒՄ Է ՀՈՎԻԿ ԱՖՅԱՆ Երեկ «Նուբարաշեն» քրեակատարողական հիմնարկից ազատ է արձակվել Սյունիքի մարզպետ Սուրիկ Խաչատրյանի որդին` Տիգրան Խաչատրյանը, որը կալանավորվել էր մայիսի 2-ին Սդղի գյոլ կոչվող վայրում տեղի ունեցած միջադեպի համար: Ավելի վաղ, քննչական կոմիտեն միջոնդրություն էր ներկայացրել դատախազություն` Տ. Խաչատրյանի խափանման միջոցը կալանքից փոխելու վերաբերյալ, ինչը փաստորեն բավարարվել է: Իսկ նման միջնորդության հիմքը եղել է այն, որ գործով տուժած Հարություն Զաքարյանը փոխել է իր ցուցմունքը եւ այլեւս չի պնդում, որ իրեն հարվածողը եղել է հենց Տիգրան Խաչատրյանը: Մի խոսքով, ինչպես վերջինիս հայրն է ասում բոլոր այն դեպքերում, երբ իր որդու շուրջ Սյունիքում նման միջադեպեր են լինում` «Տիգրանը Երեւանում է»: |
