Տեղադրվել է` 2017-05-18 23:26:43 (GMT +04:00)

Ընթերցված է` 10605, Տպվել է` 496, Ուղարկվել է էլ.փոստով` 0

ՎԱՐՉԱՊԵՏԸ ՎԵՐԱՆՇԱՆԱԿՎԵՑ

Վարչապետ Կարեն Կարապետյանը, որը նոր խորհրդարանում մեծամասնություն ձեւավորած ՀՀԿ-ի վարչապետի թեկնածուն էր, երեկ հրաժարական ներկայացրեց եւ վերանշանակվեց: Հայաստանի նախագահը, ղեկավարվելով 2005 թվականի սահմանադրական փոփոխություններով Հայաստանի Հանրապետության Սահմանադրության 55-րդ հոդվածի 4-րդ կետովՙ որոշել է Կարեն Վիլհելմի Կարապետյանին նշանակել Հայաստանի Հանրապետության վարչապետ: Այսինքն` մինչեւ 2018 թվականը շատ հարցերում, այդ թվում` վարչապետի նշանակման, դեռեւս գործում են կիսանախագահական կառավարման ձեւին հատուկ մոտեցումները: