ԳԵՐՄԱՆԻԱՆ ԶԳՈՒՇԱՑՆՈՒՄ Է ԹՈՒՐՔԻԱ ՄԵԿՆՈՂ ԻՐ ՔԱՂԱՔԱՑԻՆԵՐԻՆ Գ.Գ. Գերմանիայի արտգործնախարարությունը նոր զգուշացում է հրապարակել Թուրքիա մեկնել ցանկացող իր քաղաքացիների համար: Թարմացված հայտարարության մեջ մասնավորապես ընդգծվել է, որ Թուրքիայում Վիրտուալ մասնավոր ցանցերի (VPN) օգտագործումը խստորեն վերահսկվում է եւ չհաստատված VPN-ի օգտագործող անձինք կարող են քրեական պատասխանատվության ենթարկվել: Նախարարությունը նաեւ հիշեցրել է, որ Թուրքիայում հանրապետության նախագահին վիրավորելու կամ որեւէ ահաբեկչական խմբավորման անդամ լինելու կամ նման խմբավորման պրոպագանդա կատարելու մեջ մեղադրվողները կարող են մինչեւ մի քանի տարվա ազատազրկման դատապարտվել: «Եթե որեւէ մեկը վերջին շրջանում Թուրքիա մուտք գործելիս կամ երկրից ելք կատարելիս չի ձերբակալվել, դա չի նշանակում, թե նրա դեմ նմանատիպ մեղադրանքներով քրեական հետապնդման վտանգ չկա»,- ասված է հայտարարությանմեջ: | 
