 |
«ԱԶԳ» ՕՐԱԹԵՐԹ #3, 29-01-2021
| | Տեղադրվել է` 2021-01-28 21:50:46 (GMT +04:00) |
Ընթերցված է` 1159, Տպվել է` 7, Ուղարկվել է էլ.փոստով` 0
| ԳԵՐԻՆԵՐԻ ՇՈՒՐՋ ՌԴ ԱԳՆ ներկայացուցիչ Մարիա Զախարովան իր ամենշաբաթյա ասուլիսում կանգ է առել Հայաստանի եւ Ադրբեջանի միջեւ գերիների փոխանակման ցավոտ հարցի վրաՙ Ռուսաստանի նախագահի եւ արտգործնախարարի այն տեսակետների վրա հիմնվելով, թե օպտիմալ տարբերակ է «բոլորը բոլորի դիմաց» ձեւաչափով գերիների փոխանակումը խնդրի շուտափույթ կարգավորման համար: Ռուսական կողմն, ըստ Զախարովայի, շարունակելու է աջակցել խնդրի լուծմանը: Երեկ Հայաստան վերադարձվեց 5 գերիՙ այն 62-ից, որոնք գերի էին ընկել եռակողմ համաձայնագրի ստորագրումից բավական հետո, հայկական բնագծից: Նաեւ դեռեւս Ադրբեջանում գտնվող այդ 62-ից մնացած 57 գերիների համար հնարավորություն է ստեղծվել հեռախոսազրույց ունենալ իրենց հարազատների հետ: Երեւում էՙ հունվարի 30-ին Մոսկվայում կայանալիք եռակողմ հանդիպումից առաջ փորձ է արվում մի փոքր մեղմել գերիների շուրջ իրավիճակը: Հայաստանի, Ադրբեջանի եւ Ռուսաստանի փոխվարչապետները Մոսկվայում բանակցելու են տարածաշրջանի հաղորդակցության ապաշրջափակման վերաբերյալ: | | | | | |
|
|
|
