Տեղադրվել է` 2018-02-15 22:29:51 (GMT +04:00)

Ընթերցված է` 2441, Տպվել է` 10, Ուղարկվել է էլ.փոստով` 0

ՀԱՅ-ՆՈՐՎԵԳԱԿԱՆ ՄՇԱԿՈՒԹԱՅԻՆ ՀԱՄԱԳՈՐԾԱԿՑՈՒԹՅՈՒՆ

Անցյալ տարվա դեկտեմբերին Նորվեգիայի Բյո քաղաքում բացվեց երեւանցի արվեստագետ Լիլիթ Ստեփանյանի եւ նորվեգուհի Քրիստիանե Լիենի ցուցահանդեսը: Համադրողն էր Քրիստիանե Լիենը: Ցուցահանդեսին Քրիստիանեն ներկայացրել էր որոշ աշխատանքեր, որոնք նա ստեղծել էր 2017 թվի մարտին, Հայաստանում: Այստեղ նա մասնակցել էր «Այսօր արվեստի նախաձեռնություն» հասարակական կազմակերպության արվեստի կացարանի ծրագրին, մեկ ամիս ապրել եւ աշխատել Հայաստանում, եղել Երեւանում, Ջերմուկում, Մեծամորում, Գառնիում, Գեղարդում եւ Էջմիածնում: Արվեստի կացարանում ստեղծած աշխատանքների արդյունքը նա ներկայացրել էր նաեւ իր հայաստանյան ցուցահանդեսումՙ վիդեո արվեստ, ինստալացիա, քանդակ: Լիլիթը ստեղծել էր աշխատանքներ Բյոյումՙ գրաֆիկաներ, վիդեո եւ ֆոտո ինստալացիա: Նորվեգիայում կայացած «Երկար ճանապարհ» ցուցահանդեսը հայ-նորվեգական մշակութային համագործակցության հաջորդ քայլն էր արդեն: Այժմ Լիլիթն ու Քրիստիանեն աշխատում են նոր նախագծերի վրա: