ԴՈԿՏ. ՆՈՒԲԱՐ ՊԵՐՊԵՐՅԱՆԻ ԱՆՎԱՆ ՏԱՐԵԿԱՆ ՄՐՑԱՆԱԿԱԲԱՇԽՈՒԹՅՈՒՆ Ուոթերթաուն, Մասաչուսեթս, 2018 թ. Ավելի քան 50 տարի ՌԱԿ-ի գրեթե բոլոր գլխավոր օրգանների խմբագրի պաշտոնը ստանձնած վաստակավոր հրապարակագիր եւ գաղափարապաշտ ազգային գործիչ դոկտ. Նուբար Պերպերյանը վախճանվեց 94 տարեկանում 2016-ի նոյեմբերի 23-ին: Իր կտակի համաձայն հիմնվեց մի թրաստ-հիմնադրամ, որը տարեկան կրթաթոշակներ է տրամադրելու համայն աշխարհի հայազգի համալսարանական ուսանողներին, որոնք «միջազգային իրավունք» կամ «քաղաքագիտություն» մասնագիտություններով սովորում են մագիստրատուրայում: Թեկնածուների ընտրության պահանջները 1) Դիմորդները պետք է լինեն քոլեջի հայազգի ուսանողներ, որոնք մասնագիտանում են միջազգային իրավունքի կամ քաղաքագիտության ասպարեզներում: 2) Դիմորդները պետք է ընդգրկված լինեն աշխարհի որեւէ վայրում ամբողջապես հավատարմագրված որեւէ քոլեջի կամ համալսարանի մագիստրատուրայում: 3) Դիմորդները պարտավոր են ամբողջական պատասխան տալ դիմումնագրի բոլոր հարցերին: 4) Դիմորդները պարտավոր են ներկայացնել քոլեջի կամ համալսարանի իրենց վերջին գնահատականների պատճենը: 5) Դիմորդները պետք է ներկայացնեն նաեւ փոքր չափի, գլուխն ու ուսերը պատկերող լուսանկար: 6) Դիմումնագրերը կարելի է ստանալ «Tcadirector@Aol.com» էլեկտրոնային փոստով: 7) Դիմոդրները դիմումնագրերը պետք է ներկայացնեն էլ.փոստի միջոցով «Tcadirector@Aol.com» հասցեով: Գրավոր դիմումնագրերը ընդունվելու են մինչեւ վերջնաժամկետը հետեւյալ հասցեով. Tekeyan Cultural Association, Inc. Dr. Nubar Berberian Trust Fund 755 Mt. Auburn Street Watertown, MA 02472 USA Բայց նախընտրությունը տրվելու է էլեկտրոնային դիմումնագրերին: 8) Դիմումները ընդունելու վերջնաժամկետ է նշանակված 2018 թվի օգոստոսի 30-ը: 9) Հաշվի առնելով յուրաքանչյուր դիմորդի արժանիքները հիմնադրամի պաշտոնատար մարմինները հայտարարելու են հաղթողների անունները 2018-ի հոկտեմբերին: 10) Հաղթողը կամ հաղթողներն իրենց մրցանակ(ներ)ն ստանալու են 2018-ի նոյեմբերին: Կրթաթոշակին չարժանացած դիմորդներին հայտնվելու է գրավոր, հույս հայտնելով, որ հաջորդ տարի, ցանկության դեպքում, նրանք կարող են դարձյալ դիմել: 11) Կրթաթոշակին արժանացած դիմորդները իրավունք չեն ունենալու դիմելու նորից: 12) Այս հայտարարությունը հրատարակվում է հայերեն, անգլերեն, ֆրանսերեն եւ իսպաներեն լեզուներով: | 
