ՈՒԺԵՂԱԳՈՒՅՆԸ ՀՄԴ-Ի ՀԱՆԴԲՈԼԻՍՏՈՒՀԻՆԵՐՆ ԵՆ ՖԻՄԱ-ի մարզադահլիճում ավարտվեց մինչեւ 16 տարեկան հանդբոլիստուհիների Հայաստանի առաջնության առաջին շրջանը: 6 թիմերի մրցավեճում մրցակցությունից դուրս էր հանդբոլի մասնագիտացված մարզադպրոցի (ՀՄԴ) թիմը, որը հաղթելով բոլոր մրցակիցներին, 10 միավորով գլխավորեց աղյուսակը: ՀՄԴ-ի հանդբոլիստուհիները պարտության մատնեցին Արցախի (28-14), Վանաձորի (18-16), Աջափնյակի (23-4), Շենգավիթի (23-16) եւ ԽՄՕՄՄ-ի (27-9) հավաքականներին: Նշված հանդիպումներում առաջատարին արժանի դիմադրություն ցույց տվեցին միայն վանաձորցիները, որոնք էլ 8 միավորով գրավեցին 2-րդ տեղը: Հաջորդ տեղերում են Արցախի (6 միավոր), Շենգավիթի (4), ԽՄՕՄՄ-ի (2) եւ Աջափնյակի (0) հավաքականները: 6 թիմերի մասնակցությամբ առաջնության եզրափակիչ փուլի հանդիպումները կանցկացվեն հոկտեմբերին: | 
