«Ժառանգության» փոխնախագահ Ռուբեն Հակոբյանը երեկ լրագրողների հետ հանդիպմանը տվել է 2008-ի մարտի մեկի եւ 2013-ի ապրիլի 9-ի, ըստ իրեն, գլխավոր տարբերակիչ գործոնները: Պարոն Հակոբյանի կարծիքով` «Րաֆֆի Հովհաննիսյանը Լեւոն Տեր-Պետրոսյան չէ, ու այսօրվա ոստիկանությունն էլ 2008-ի ոստիկանությունը չէ»:
Առաջիկա մի քանի օրերին Հայաստանի ողջ տարածքում սպասվում են տեղումներ: Արտակարգ իրավիճակների նախարարության հիդրոմետ ծառայության փոխանցմամբ` ապրիլի 17-21-ին հանրապետության ողջ տարածքում ժամանակ առ ժամանակ կլինեն տեղումներ. անձրեւ, տեղ-տեղ ամպրոպ, Լոռիում, Տավուշի, Սյունիքի նախալեռներում ու լեռնային շրջաններում սպասվում է թաց ձյուն:
Թուրքիայում Ադրբեջանի դեսպան Ֆաիգ Բաղըրովը առաջիկայում հետ կկանչվի եւ նրա փոխարեն, հավանաբար, այդ պաշտոնում կնշանակվի Ռուսաստանում Ադրբեջանի դեսպան Փոլադ Բյուլբյուլօղլին: Այս մասին, ինչպես հաղորդում է «Արմենպրես»-ը, հայտնում է publika.az լրատվական կայքը:
«Ինչպիսի՞ ազդեցություն է թողնում անշարժ գույքի շուկայի վրա ընտրական գործընթացը հարցին» պատասխանելով երեկ «Հայելի» ակումբում տեղի ունեցած մամուլի ասուլիսի ժամանակ «Ակցեռն» անշարժ գույքի գործակալության տնօրեն Հակոբ Բաղդասարյանն ասաց, որ ընտրությունները բնակարանային ֆոնդի գործարքների վրա ազդեցություն չեն թողնում: Ազդեցությունը լինում է կոմերցիոն տարածքների, հողամասերի գործարքների վրա, որոնք ...
Թուրքիայում օրակարգի առաջնահերթ խնդիրը Քուրդիստանի աշխատավորական կուսակցության PKK-ի հետ հաշտեցման գործընթացն է: Թեեւ գործընթացը սկզբնավորվել է PKK-ի բանտարկյալ առաջնորդ Աբդուլլահ Օջալանի մարտի 21-ի ուղերձով, որտեղ նա իր կազմակերպության մարտիկներին զենքը վայր դնելու եւ երկրի սահմաններից հեռանալու կոչ էր արել, սակայն ուղերձին նախորդել էին թուրքական իշխանությունների հետ ամիսներ տեւող բանակցությունները:
Ապրիլի 13-ին Վիրահայոց թեմի «Հայարտուն» կենտրոնի Գալուստ Գյուլբենկյան սրահում բացվեց Հայոց մեծ Եղեռնի 98-րդ տարելիցին նվիրված «Հայոց Գողգոթա» խորագրով ցուցահանդեսը: Այն կազմակերպել էին Վրաստանի Հայ նկարիչների միությունը եւ Ջավախքի երիտասարդ նկարիչների ընկերակցությունըՙ Վիրահայոց թեմի «Հայարտուն» կենտրոնի հոգաբարձուների խորհրդի, Վրաստանում ՀՀ դեսպանության, ՀՀ Սփյուռքի նախարարության եւ Գալուստ Գյուլբենկյան հիմնադրամի աջակցությամբ:
Հայաստանի ագրարագյուղացիական միավորման նախագահ Հրաչ Բերբերյանը վերջերս հերթական «փորձագիտական» ցնցող եզրակացությունն է արելՙ կայքերից մեկում հայտարարելով, թե կարտոֆիլի ցանքատարածություններն այս տարի կկրճատվեն 50 տոկոսով, իսկ պղպեղինը, լոլիկինն ու սմբուկինը` 30 տոկոսով: Ընդ որում, իրեն փորձագետ համարող այս մարդը չի նշել, թե քանի՞ հեկտար են կազմում հիշյալ մշակաբույսերի ցանքատարածությունները, որքանո՞վ են ...
«Գյումրին` ԱՊՀ 2013 թ. մշակութային մայրաքաղաք» միջոցառումների ծրագիրը մեկնարկելու է հունիսի 2-ին, քաղաքի կենտրոնական հրապարակում կայանալիք շքեղ հանդիսությամբ, իսկ ավարտվելու է նոյեմբեր ամսին: Կազմակերպվելիք բազմատեսակ միջոցառումներին մասնակցելու եւ ներկա են լինելու հյուրեր 13 երկրներից, Գյումրու քույր քաղաքներից: Այժմ ծրագրի իրագործման ակտիվ նախապատրաստական աշխատանքներ են ընթանում:
Երբ 2001-ի դեկտեմբերի 17-ին ընդունվեց «Ազգաբնակչության էկոլոգիական կրթության եւ դաստիարակության մասին» ՀՀ օրենքը, նրա 4-րդ հոդվածն ամբողջովին նվիրված էր կրթական համակարգի բոլոր մակարդակներում էկոլոգիական կրթության պարտադիր լինելուն: Օրենքի ընդունումից անցել է 12 տարի, սակայն չենք կարող փաստել, թե այսօր մեր երկրում պակասել են անթույլատրելի ծառահատումները, անօրինական շինությունների ի հայտ գալը, ...
Երեւանի ավագանու ընտրություններին մասնակցող «Բարգավաճ Հայաստան» կուսակցության նախընտրական ծրագրում որպես բնապահպանական խնդիր առանձնացված է աղբահանությունը: ԲՀԿ-ականները խնդրի լուծման առավել արդյունավետ միջոց համարում են աղբավերամշակման գործարանի կառուցումն ու շահագործումը:
Կարաբալան ծաղիկ էր վաճառում Աբովյան փողոցում, այն ժամանակՙ Աստաֆյան: Կանանց աչքից չէր փախցնում, առիթը բաց չէր թողնում, ծաղիկ էր նվիրում: Նրանք ժպտում ու անցնում էինՙ պահի մեջ երեւի լավ չզգալով:
«Տանգոյի» շնչով ութ համերգային ծրագիր` երեւանյան տանգոյի միջազգային փառատոնի շրջանակում: Այս տարի փառատոնի օտարերկրացի հյուրերն են` արգենտինացի հայտնի բանդոնեոնահար Վալտեր Ռիոսին եւ երգչուհի Մարիել Դյուպետին:
Իրականությունը երեւի ամբողջությամբ պատմություն չի դառնում: Ինչ-որ բան դուրս է մնում: Երբեմն էլ` կեղծվում: Բայց երբ խեղաթյուրվում է լիովին, պարտավոր ենք բարձրաձայնել: Խոջալուի մասին մեր հրապարակումները գուցե ձանձրալի թվան: Մենք այս դեպքում ոչ բարձր ոճի, ոչ էլ, մանավանդ, «բացառիկ նյութի տիրապետելու» տպավորության հավակնություն չունենք: Պարզապես ադրբեջանական աղբյուրներից, ընդգծենք` բաց, բոլորին ...
Հայոց ցեղասպանության թանգարան-ինստիտուտը եւ ՀՀ Ազգային գրադարանը կազմակերպում են ցուցադրություն` նվիրված Ֆրանց Վերֆելի «Մուսա լեռան քառասուն օրը» հռչակավոր վեպի առաջին հրատարակության ութսունամյակին:
Օրերս` Հայաստանի նկարիչների միությունում բացվեց Երեւանի դրամատիկական թատրոնի նկարիչ Կարեն Գրիգորյանի անհատական ցուցահանդեսը` նվիրված թատրոնի 45-ամյակին:
Ուկրաինայի առաջնությունում Հենրիխ Մխիթարյանի արդյունավետ խաղը գրավել է եվրոպական մի խումբ ակումբների ուշադրությունը, որոնք ցանկանում են իրենց կազմում ընդգրկել հայ ֆուտբոլիստին: Վերջին շրջանում նման խոսակցությունները շատ են:
Կիպրոսի Լիմասոլ քաղաքում ավարտված սամբոյի Եվրոպայի պատանիների, երիտասարդների եւ աղջիկների առաջնությունում վերելքով հանդես եկան հայ սամբիստները: Առաջնությանը մասնակցած 22 հայ սամբիստներից ուղիղ կեսն արժանացան մեդալներիՙ 3-ական ոսկե եւ արծաթե, 5 բրոնզե:
Սերգեյ Մովսիսյանը Սանկտ Պետերբուրգի շախմատի ֆեդերացիայի թիմի կազմում դարձավ Ռուսաստանի չեմպիոն: Թիմային առաջնության ավարտական 2 տուրերում Մովսիսյանի թիմը 6-րդ տուրում 4-2 հաշվով հաղթեց Մոսկվայի «Նաշե նասլեդիեին», իսկ ահա վերջին մրցախաղում 2,5-3,5 հաշվով պարտվեց «Ռոստովին»: 2 մրցախաղերում էլ Մովսիսյանը հաշտություն կնքեց Ռադոսլավ Վոյտաչեկի եւ Սերգեյ Ժիգալկոյի հետ:
Ապրիլի 13-ին ծննդյան 50-ամյակը նշած շախմատի աշխարհի 13-րդ չեմպիոն Գարի Կասպարովը այս օրերին գտնվում է Օսլոյում: Նրան առաջարկվել է վերսկսել համագործակցությունը Մագնուս Կառլսենի հետ եւ օգնել նորվեգացի գրոսմայստերին հաղթելու աշխարհի չեմպիոն Վիշվանաթան Անանդին: Կասպարովը սիրով համաձայնվել է:
Ֆրանսիայի Լիլ քաղաքում անցկացվող շախմատի մրցաշարում հաջող է հանդես գալիս գրոսմայստեր Տիգրան Ղարամյանը, որը 4 հնարավորից վաստակել է 3 միավոր: Նա հաղթել է Յանիկ Կամբրատին ու Պանու Լայնեին, ոչ-ոքի է խաղացել Մաուրիցիո Վասալոյի եւ Դեմիե Քերիգանի հետ:
Գյումրիում «Միկայի» հետ կիսաեզրափակիչի պատասխան հանդիպումն ավարտելով գոլազուրկ ոչ-ոքի, «Շիրակը» 3-րդ տարին անընդմեջ իրավունք ստացավ եզրափակիչում վիճարկելու Հայաստանի գավաթը: Եզրափակիչի ուղեգրի հարցը փաստորեն որոշվեց մրցակիցների առաջին խաղում, որում «Շիրակը» հաղթել էր 1-0 հաշվով: Եզրափակիչում «Շիրակի» մրցակիցը հայտնի կդառնա այսօր կայանալիք «Փյունիկ»-«Գանձասար» խաղում: Հիշեցնենք, որ Կապանում կայացած առաջին խաղում «Փյունիկը» հաղթել ...
Այսօր Մոսկվայում մեկնարկող սպորտային մարմնամարզության Եվրոպայի առաջնությունում Հայաստանը կներկայացնեն 5 մարմնամարզիկներ: Արթուր Դավթյանն ու Սերոբ Սողոմոնյանը հանդես կգան բազմամարտում: Եվրոպայի կրկնակի մրցանակակիր Հարություն Մերդինյանը կմասնակցի նժույգաթափերի վրա վարժություններին, իսկ Վահագն Դավթյանն ու Արթուր Թովմասյանը հանդես կգան օղակների վրա վարժություններում:
Խորվաթիայի Պորեջ քաղաքում անցկացված սուսերամարտի աշխարհի պատանեկան առաջնությունում հայաստանցի 5 սուսերամարտիկներից համեմատաբար հաջող հանդես եկավ Էմիլ Դանիելյանը: Ճկասուսերակիրների մրցաշարի նախնական փուլում տոնելով 4 հաղթանակ, Էմիլը եզրափակիչում պարտվեց ճապոնացի սուսերամարտիկին եւ 128 մասնակիցների մեջ գրավեց 55-րդ տեղը:
