ՀԱՅ ՍԱՄԲԻՍՏՆԵՐԻ ՀԱՐՈՒՍՏ ԱՎԱՐԸ Կիպրոսի Լիմասոլ քաղաքում ավարտված սամբոյի Եվրոպայի պատանիների, երիտասարդների եւ աղջիկների առաջնությունում վերելքով հանդես եկան հայ սամբիստները: Առաջնությանը մասնակցած 22 հայ սամբիստներից ուղիղ կեսն արժանացան մեդալներիՙ 3-ական ոսկե եւ արծաթե, 5 բրոնզե: Եվրոպայի չեմպիոն հռչակվեցին երիտասարդների մրցաշարին մասնակցած Ջիվան Ղազարյանն (48 կգ) եւ Գրիգոր Մխիթարյանը (52 կգ) եւ պատանիների մրցավեճի հաղթող Էդիկ Պետրոսյանը (87 կգ): Արծաթե մրցանակակիրներ դարձան երիտասարդական մրցաշարի մասնակիցներ Մաքսիմ Մանուկյանը (57 կգ), պատանեկան առաջնությունում հանդես եկած Քնարիկ Ստամբուլցյանը (40 կգ) եւ Ալբերտ Սարգսյանը (87 կգ-ից բարձր): Բրոնզե մեդալներով պարգեւատրվեցին Ռոզա Խաչատրյանը (52 կգ), Արթուր Հակոբյանը (74 կգ), Դավիթ Խաչատրյանը (48 կգ), Կարեն Մինասյանն (52 կգ) ու Հարություն Առաքելյանը (65 կգ): | 
