ԱՄՓՈՓՎԵՑ «ԱՐՄՄՈՆՈՆ» ՄԱՆԱՆԱ ՀՈՎԱԿԻՄՅԱՆ Երեկ ամփոփվեց «Արմմոնո» մոնոներկայացումների միջազգային թատերական 11-րդ փառատոնը, որի առանցքն այս տարի լեհական ծրագիրն էր: «Կոտրված եղունգներ» (դերակատար` Աննա Սկուբիկ) ներկայացմամբ երեկ ամփոփվեց փառատոնը եւ բոլոր մասնակիցներին տրվեցին դիպլոմներ եւ հուշանվերներ: Լեհական ծրագրի շրջանակներում ցուցադրվեցին 5 մոնոներկայացում, ինչպես նաեւ Երեւանի կինոյի եւ թատրոնի պետական ինստիտուտում անցկացվեց վարպետության դասընթացներ: Ի դեպ, փառատոնի շրջանակում ցուցադրվեցին 22 ներկայացում` Գերմանիայից, Ռուսաստանից, Լեհաստանից, Լիտվայից, Վրաստանից եւ Հայաստանից: Այսօր տեղի կունենա նաեւ «Արմմոնո-դեբյուտ» ծրագիր, որին կմասնակցեն մոնոներկայացման ժանրում իրենց առաջին քայլերն անող երիտասարդ բեմադրիչներն ու դերասանները: Ընդգծենք, որ փառատոնին ցուցադրվեց Մեծ եղեռնին նվիրված ներկայացում «Աննի լռությունը»` գերմանիացի դերասանուհի Բիաթե Էhլերի կողմից, որն ի դեպ հայկական արմատներ ունի: | 
