ԿԱՐԵՎՈՐ ՔԱՅԼՙ ՍԱՀՄԱՆԱՄԵՐՁ ԲՆԱԿԱՎԱՅՐԻ ՍՈՑԻԱԼԱԿԱՆ ԽՆԴԻՐՆԵՐԸ ԼՈՒԾԵԼՈՒ ՈՒՂՂՈՒԹՅԱՄԲ

RSS | FACEBOOK | NLA

#160, 2013-09-24 > #161, 2013-09-25 > #162, 2013-09-26 > #163, 2013-09-27 > #164, 2013-09-28

«ԱԶԳ» ՕՐԱԹԵՐԹ #162, 26-09-2013

Անցուդարձ

Տեղադրվել է` 2013-09-26 01:13:23 (GMT +04:00)

Ընթերցված է` 844, Տպվել է` 16, Ուղարկվել է էլ.փոստով` 11

ԿԱՐԵՎՈՐ ՔԱՅԼՙ ՍԱՀՄԱՆԱՄԵՐՁ ԲՆԱԿԱՎԱՅՐԻ ՍՈՑԻԱԼԱԿԱՆ ԽՆԴԻՐՆԵՐԸ ԼՈՒԾԵԼՈՒ ՈՒՂՂՈՒԹՅԱՄԲ

ՀՀ աշխատանքի եւ սոցիալական հարցերի նախարար Արտեմ Ասատրյանը եւ ՀՀ Տավուշի մարզպետ Արմեն Ղուլարյանը հանդիսավորությամբ բացեցին սոցիալական ծառայությունների առաջին ինտեգրված կենտրոնը Նոյեմբերյան քաղաքում:

Շնորհավորելով ներկաներինՙ նախարարը նշեց. «Մենք նպատակ ենք ունեցել սահմանամերձ Նոյեմբերյանում ունենալ այնպիսի կենտրոն, ինչպիսիք ունենք Երեւանում, հանրապետության մյուս վայրերում: Կարեւորում եմ, որ մեկ կենտրոնում, մեկ պատուհանի միջոցով մեր քաղաքացիները կստանան արդիական ծառայություններ: Երկրորդ կարեւոր նպատակը սոցիալական աշխատողի ինստիտուտի ներդրումն է: Դրամական վճարումների հետ կապված խնդիրներն այսուհետեւ կատարվելու են ավտոմատացված տեղեկատվական համակարգերի միջոցով, իսկ բազմաշերտ խնդիրներ ունեցող ընտանիքների կարիքների գնահատումն ու դրանց հիման վրա վերականգնողական բոլոր աշխատանքներն իրականացնելու են սոցիալական աշխատողները: Ծրագրի շրջանակներում սոցիալական աշխատողներն անցել են վերապատրաստումներ, կենտրոններին տրամադրվել են նոր տեխնիկական միջոցներ: Գործընթացը լինելու է շարունակական, ամբողջ հանրապետությունում ունենալու ենք 55 նմանատիպ կենտրոններ: Այս կենտրոնը Տավուշի մարզում առաջինն է եւ մենք պարոն մարզպետի հետ քննարկում ենք մարզի մյուս տարածաշրջաններում նման կենտրոնների բացման հնարավորությունը»:

Պարոն Ղուլարյանը շնորհակալություն հայտնեց ժամանակակից, վերանորոգված եւ վերազինված կենտրոնի համար եւ ավելացրեց. «Ինտեգրված սոցիալական ծառայությունների նոր կենտրոնն ապահովելու է ծառայությունների նոր որակ եւ սպասարկման նոր աստիճան: Կարեւորում եմ, որ այն բացվեց սահմանամերձ տարածաշրջանում, սկսում ենք ոչ թե մարզկենտրոնից, այլ Նոյեմբերյանից, որտեղ սոցիալական խնդիրներով շատ ավելի մեծ թվով մարդիկ են դիմում: Շնորհակալ եմ համատեղ, արդյունավետ աշխատանքի համար եւ պատրաստ եմ համագործակցությանՙ մարզի մյուս տարածաշրջաններում եւս նման կենտրոններ ստեղծելու համար»:

Բացման արարողությունից հետո նախարարը եւ մարզպետը հանդիպեցին համայնքների, սոցիալական ծառայությունների, մարզում գործող հասարակական կազմակերպությունների ղեկավարների, մարզպետարանի աշխատակիցների հետ:

Դիմելով ներկաներինՙ պարոն Ասատրյանը նշեց. «Մենք կարեւոր գործընթացի սկիզբն ենք դնում միասին. կենտրոնի բացումն առաջին քայլն է: Սոցիալական պաշտպանության ոլորտում մենք ընդհանուր բարեփոխումներ ենք իրականացնում, եւ իմ ցանկությունն էրՙ ձեզ հետ քննարկել առկա բոլոր խնդիրները, լսել ձեր մտահոգություններն ու առաջարկությունները, պատասխանել ձեր հարցերին: Դրա համար ենք ընտրել այս ձեւաչափը եւ եկել ենք այս կազմովՙ նախարարի առաջին տեղակալ, նախարարության առանձնացված եւ կառուցվածքային ստորաբաժանումների ղեկավարներ»:

Նախարարը մանրամասնորեն ներկայացրեց ինտեգրված ծառայությունների գաղափարախոսության, նպատակների, տեղերում սոցիալական ծառայություններ մատուցող պետական եւ հասարակական կառույցների համագործակցության, սոցիալական աշխատանքի, սոցիալական աշխատողի ինստիտուտի կայացման ուղիների վերաբերյալ իր մոտեցումները:

Ներկաների հարցերին նախարարը եւ ոլորտների պատասխանատուները տվեցին պատասխաններ, պարզաբանումներ:

Ինտեգրված սոցիալական ծառայությունների կենտրոնների ձեւավորումըՙ համագործակցության լայն հնարավորություններով, քաղաքացիների սոցիալական խնդիրների լուծման նոր մոտեցումներով եւ աշխատաոճով հույս է ներշնչում, որ այսուհետ ծառայությունները կդառնան ավելի մարդակենտրոն եւ հասցեական: Դրա համար ստեղծված են անհրաժեշտ բոլոր պայմանները: Գործընթացն անդառնալի է եւ շարունակական:

«ԱԶԳ» ՕՐԱԹԵՐԹ #162, 26-09-2013
2013-09-26	Ի՞ՆՉ ԽՆԴԻՐ Է ԼՈՒԾԵԼՈՒ ՄԻԱՍՆԱԿԱՆ ՔՆՆՉԱԿԱՆ ՄԱՐՄԻՆԸ
2013-09-26	ՌՈՈՒՀԱՆԻՆ ԴԱՏԱՊԱՐՏԵՑ ԹԵ՛ ՀՈԼՈՔՈՍԹԸ ԵՎ ԹԵ՛ ԻՍՐԱՅԵԼԻ ՍՏԵՂԾՄԱՆ ԵՂԱՆԱԿԸ
2013-09-26	15 ՄԼՆ ԵՎ 40 ՄԼՆ ԵՎՐՈՅԻ ԲՅՈՒՋԵՏԱՅԻՆ ԵՐԱՇԽԻՔՆԵՐ ԿԲ-ԻՆ
2013-09-26	ԱՃՈՒՐԴԻ ՀԱՆՎԱԾ ԱՄԵՆԱԹԱՆԿ ԱԴԱՄԱՆԴԸ
2013-09-26	ՀՐԴԵՀ «ԳՐԱՆԴ ՔԵՆԴԻ»-Ի ՏԱՐԱԾՔՈՒՄ. ՏՈՒԺԱԾՆԵՐ ՉԿԱՆ
2013-09-26	«ԵՍ ՆՄԱՆ ԱՆՁՆԱՎՈՐՈՒԹՅԱՆ ՈՐՊԵՍ ՏՆՏԵՍԱԳԵՏԻ ՉԵՄ ԸՆԴՈՒՆՈՒՄ»
2013-09-26	ՉԵԶՈՔԱՑՆԵԼՈՒ ՀԱՄԱՐ ՄՈԼԴՈՎԱԿԱՆ ԳԻՆՈՒ ՌՈՒՍԱԿԱՆ «ՃՆՇՈՒՄԸ»
2013-09-26	ԿԱՐԵՎՈՐ ՔԱՅԼՙ ՍԱՀՄԱՆԱՄԵՐՁ ԲՆԱԿԱՎԱՅՐԻ ՍՈՑԻԱԼԱԿԱՆ ԽՆԴԻՐՆԵՐԸ ԼՈՒԾԵԼՈՒ ՈՒՂՂՈՒԹՅԱՄԲ
2013-09-26	ԱՐՄԱՎԻՐՑԻ ԹՈՇԱԿԱՌՈՒՆ ՉԻ ԿԱՐՈՂԱՆՈՒՄ ՍՏԱՆԱԼ 2010-Ի ԿԵՆՍԱԹՈՇԱԿԸ
2013-09-26	ԹՈՒՐՔԱԿԱՆ ԲԱՐԲԱՐՈՍՈՒԹՅԱՆ ՍՈՎՈՐԱԿԱՆ ՊԱՏՄՈՒԹՅՈՒՆ
2013-09-26	«ԻՄ ԱՇԽԱՐՀԸ» ԾԱՌԱՅՈՒԹՅԱՄԲՙ ՕՐԱԿԱՆ ԸՆԴԱՄԵՆԸ 25 ԴՐԱՄԻ ԴԻՄԱՑ
2013-09-26	ԱՊԱԳԱ ՄԱՆԿԱՎԱՐԺՆԵՐԸ ԵՐԴՎԵՑԻՆ ՀԱՎԱՏԱՐԻՄ ՄՆԱԼ ԻՐԵՆՑ ԿՈՉՄԱՆԸ
2013-09-26	ԳՅՈՒՆՏԵՐ ՊԻԼԱՐՍԿԻՆ ՇՆՈՐՀԱՎՈՐՈՒՄ Է ՔԱՋԱՐԱՆ ՔԱՂԱՔԻ ԿԱԶՄԱՎՈՐՄԱՆ ՀՈԲԵԼՅԱՆԸ
2013-09-26	ԳԱՐԼՈՍ ՄԵՆԵՄԸ ՀԱՅ ՉԷ՛
2013-09-26	«ՀԱՄԼԵՏԻ» ՀԱՄԱՐՁԱԿ ԵՎ ՌԻՍԿԱՅԻՆ ՄԵԿՆԱԲԱՆՈՒԹՅՈՒՆ` «ՀԱՄԱԶԳԱՅԻՆ» ԹԱՏՐՈՆՈՒՄ
2013-09-26	«ՀԱՅ ՖԵՍՏ» ԹԱՏԵՐԱԿԱՆ ՓԱՌԱՏՈՆԻ ՄԵԿՆԱՐԿԸ` «ԲԱՐՁՐԱԳՈՒՅՆ ՔԻՄԻԱՅՈՎ»
2013-09-26	«ԿՈՄԻՏԱՍ ՎԱՐԴԱՊԵՏ» ՓԱՌԱՏՈՆՈՒՄ ԿՈՄԻՏԱՍԻՆ ՆՎԻՐՎԱԾ ՖԻԼՄԻ ՇՆՈՐՀԱՆԴԵՍ
2013-09-26	«ԱՅԴ ԵՍ ՉԵՄ» ՖԻԼՄԸ ՄԵԾ ՀԱՋՈՂՈՒԹՅՈՒՆՆԵՐ ՈՒՆԵՑԱՎ «ԿԻՆՈՇՈԿ» ՓԱՌԱՏՈՆՈՒՄ
2013-09-26	ԼՈՒՍԱՎԱՌՈՒԹՅԱՆ ԱՐԱՐՈՂՈՒԹՅՈՒՆ ԳԱՖԵՍՃԵԱՆ ԱՐՎԵՍՏԻ ԿԵՆՏՐՈՆՈՒՄ
2013-09-26	ՄԽԻԹԱՐՅԱՆՆ ԱՉՔԻ ԸՆԿԱՎ ՆԱԵՎ ԳԱՎԱԹԻ ԽԱՂՈՒՄ
2013-09-26	ԱՌԱՋԱՏԱՐԻ ՀԵՏ ՄՐՑԱՎԵՃԸ ՎՃՌՈՐՈՇ ԿԼԻՆԻ ՍԱՄՎԵԼ ՏԵՐ-ՍԱՀԱԿՅԱՆԻ ՀԱՄԱՐ
2013-09-26	ԱՐՈՆՅԱՆԸ ԿՄԱՍՆԱԿՑԻ «ՄԵԾ ՍԱՂԱՎԱՐՏԻ» ՄՐՑԱՇԱՐԻՆ
2013-09-26	ԴԱՆԻԵԼՅԱՆԸ ՏՈՆԵՑ ԱՌԱՋԻՆ ՀԱՂԹԱՆԱԿԸ
2013-09-26	ԱԲՐԱՀԱՄԸ ՌԻՆԳ ԴՈՒՐՍ ԿԳԱ ՀՈԿՏԵՄԲԵՐԻՆ
2013-09-26	8-ՐԴ ՏՈՒՐԻ ՀԱՆԴԻՊՈՒՄՆԵՐԸ ՀԵՏԱՁԳՎԵԼ ԵՆ



	ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

	ԱԶԴԱԳԻՐ

ՄԵԿ ՏԱՐԻ ԱՌԱՋ