ԱՆԱՆԴԸ ՀՐԱԺԱՐՎՈՒՄ Է ՀԱՎԱԿՆՈՐԴՆԵՐԻ ՄՐՑԱՇԱՐԻՑ Շախմատի աշխարհի նախկին չեմպիոն Վիշվանաթան Անանդը հայտարարել է, որ հավանաբար չի մասնակցի 2014-ի մարտին կայանալիք աշխարհի առաջնության հավակնորդների մրցաշարին: Կանոնակարգի համաձայն, հավակնորդների մրցաշարի մասնակիցը մեկնարկից 1 ամիս առաջ պետք է հայտնի իր հրաժարվելու մասին: Եթե Անանդը վերջնականապես հաստատի իր հրաժարականը, ապա նրա փոխարեն Խանտի Մանսիյսկում հանդես կգա իտալացի Ֆաբիանո Կարուանան, որը ներկայումս ՖԻԴԵ-ի դասակարգման ցուցակում 7-րդ տեղում է: Նա շախմատի Գրան պրիի մրցաշարում 3-րդ տեղն էր գրավել: | 
