ՍԵՊՏԵՄԲԵՐԻ 14-Ի ԱՇԽԱՏԱՆՔԱՅԻՆ ՕՐԸ ԿՏԵՂԱՓՈԽՎԻ ՍԵՊՏԵՄԲԵՐԻ 19-Ը, ԻՍԿ ՕԳՈՍՏՈՍԻ 17-ԻՆԸ ԿՄՆԱ ԱՇԽԱՏԱՆՔԱՅԻՆ Ա. Մ. 2015թ. սեպտեմբերի 14-ի աշխատանքային օրը կառավարության որոշմամբ կտեղափոխվի 2015թ. սեպտեմբերի 19-ըՙ շաբաթ օր: «Խաչվերացի տոնը, որը ժողովուրդն առավել հաճախ անվանում է Սուրբ Խաչ, ժողովրդի գիտակցության մեջ եւ կենցաղում արմատավորված է ու նշվում է որպես ննջեցյալների հիշատակի օր: Ավանդույթի ուժով ամեն տարի մարդիկ տոնին հաջորդող երկուշաբթի օրը գնում են գերեզմանոցՙ մասնակցելու հոգեհանգստյան արարողությունների: Սա է պատճառը, որ սեպտեմբերի 14-ըՙ տոնին հաջորդող երկուշաբթի օրը, հայտարարվում է ոչ աշխատանքային: Միաժամանակ օգոստոսի 16-ինՙ Աստվածածնի վերափոխման տոնինՙ խաղողօրհնեքին հաջորդող երկուշաբթին կլինի աշխատանքային», ասաց վարչապետը, միաժամանակ կոչ անելով գործատուներին ընդառաջել այն քաղաքացիներին, ովքեր օգոստոսի 17-ին, այցելում են եկեղեցի եւ գերեզմանոց: |
