ՄԿՐՏԻՉ ՍԱՐԳՍՅԱՆԻ ՊԱՏՄՎԱԾՔԸ` ՍԵՐԲԵՐԵՆ Սերբիայի Նիշ քաղաքում տպագրվող երկրի հնագույն ամսագրերից մեկիՙ 1901-ին հիմնված «Գրադինա» գրական-մշակութային հանդեսի անցյալ տարվա վերջին համարում (թիվ 72-73) լույս է տեսել հայ անվանի արձակագիր Մկրտիչ Սարգսյանի «Հայերենի հերթական դասը» պատմվածքը (էջ 163-174): Այն սերբերեն է թարգմանել բելգրադաբնակ թարգմանչուհի եւ բանաստեղծուհի Անուշ Բալայանը : Նախապես սերբերեն այս թարգմանությունը «Ակցիա կույրերի համար» նախաձեռնության կողմից թողարկվել էր որպես աուդիոգիրք: Հիշենք, որ անցյալ տարի «Մատյան պրես» մատենաշարով լույս տեսավ նաեւ սերբ ժամանակակից գրող Վեսելին Ջելետովիչի «Յոհանի սերբական սիրտը» վիպակըՙ դարձյալ Անուշ Բալայանի թարգմանությամբ: | 
