ԵՂԻՇԵ ՉԱՐԵՆՑ -120 ՍՏԵՓԱՆ ՊԱՊԻԿՅԱՆ, Տեխնիկական գիտությունների թեկնածու Երեւանի Ավ.Իսահակյանի անվան կենտրոնական գրադարանի թիվ 29 բաժնում մարտի 31-ին տեղի ունեցավ գրական-գեղարվեստական ցերեկույթ նվիրված Եղիշե Չարենցի ծննդյան 120 ամյակին: Միջոցառումը բացեց գրադարանի վարիչ Մարիանուշ Ալեքսանյանը : Միջոցառմանը իրենց մասնակցությունն էին բերել բանասիրական գիտությունների դոկտոր, բանաստեղծ Արտեմ Հարությունյանը եւ ՀՀ գրողների միության անդամ, բանաստեղծուհի ՀռիփսիմԷն : Նրանք բարձր գնահատեցին Ե.Չարենցի բանաստեղծական արվեստը, խոսեցին նրա ապրած ժամանակների, ինչպես նաեւ հայրենասիրական ապրումների մասին: Հայաստանի ազգային պոլիտեխնիկական համալսարանի ուսանողները ներկայացրեցին Ե.Չարենցի ստեղծագործությունները: Խ.Աբովյանի անվան ՀՊՄՀ-ի գեղարվեստական կրթության ֆակուլտետի 2-րդ եւ 3-րդ կուրսի ուսանողները բարձր մակարդակով կատարեցին Ե.Չարենցի խոսքերով գրված երգերՙ «Ես իմ անուշ Հայաստանի...» եւ այլ գործեր (դասախոս Ելենա Դադոյան): Հարկ է նշել,որ Ե.Չարենցը ապրեց շատ կարճ, սակայն թողեց գրական մեծ եւ բարձրարժեք ժառանգություն: Նա իր մահկանացուն կնքեց ստալինյան դաժան ժամանակներում: Ցավոք, նրա շերիմն մինչ օրս անհայտ է: | 
