ՏԻԳՐԱՆ ՁԻԹՈՂՑՅԱՆԸ ԵՎ ՍՅՈՒԶԱՆ ՍԱՐԱՆԴՈՆԸ «ԱՄԵՐԻԿՅԱՆ ՀԱՅԵԼԻ» ՖԻԼՄՈՒՄ Ամերիկյան «Մոշըն փիքչըր փրես էնդ քոմյունիքեյշըն» գործակալության հաղորդմամբ, հռչակավոր ամերիկացի կինոդերասանուհի, օսկարակիր Սյուզան Սարանդոնը նկարահանվել է Արթուր Բալդերի «Ամերիկյան հայելի» նոր փորձարարական փաստագրական ֆիլմումՙ նյույորքաբնակ ճանաչված հայ նկարիչ Տիգրան Ձիթողցյանի հետ միասին: Բալդերը հայտնի է իր փորձարարական փաստագրություններով («Փոքրիկ Իսպանիա», «Երեւակայականի իրականությունը», «Հաղթանակի տիկինը»), որոնց համար արժանացել է պատվավոր մրցանակների ԱՄՆ-ում եւ այլուր: «Ամերիկյան հայելի» ֆիլմի նկարահանումները մոտենում են ավարտին: Այնտեղ նկարահանվել են նաեւ դերասանուհի-մոդելներ Էշլի Հինշոուն եւ Ֆլորանս Ֆեւրեն, թոփ-մոդել Հիլարի Ռոդան, ոսկերչական դիզայներ Մորգան Շարան եւ այլք: Ծնունդով երեւանցի նկարիչ Տիգրան Ձիթողցյանը ցուցադրվում է տաս տարեկանից: 1999-ին Երեւանի Գեղարվեստի ինստիտուտն ավարտելուց հետո տեղափոխվել է նախ Շվեյցարիա, ապաՙ ԱՄՆ: 2015-ին Երեւանի Գաֆեսճյան արվեստի կենտրոնում կայացել է Ձիթողցյանի «Հայելիներ» ցուցահանդեսը: | 
