Տեղադրվել է` 2018-06-07 23:03:43 (GMT +04:00)

Ընթերցված է` 2280, Տպվել է` 7, Ուղարկվել է էլ.փոստով` 0

Ի ՆՊԱՍՏ ԳԼԵՆԴԵՅԼՈՒՄ ՀԱՅԿԱԿԱՆ ԹԱՆԳԱՐԱՆԻ ՀԻՄՆԱԴՐՄԱՆԸ

Հ.Ծ.

Ամերիկա-հայկական նոր թանգարան կառուցելու համար Գլենդեյլի քաղաքային խորհրդից հողատարածք հատկացնելու վերաբերյալ համաձայնությունը ստանալուց հետո թանգարանի կառավարիչների վարչությունը նախաձեռնել է մինչեւ այս տարեվերջ անցկացնել երեք գլխավոր միջոցառումներ դրամահավաքի նպատակով, տեղեկացնում է «Արմինյն Միրոր-Սփեքթեյթր» շաբաթաթերթը:

Գլենդեյլի կենտրոնական զբոսայգում, որտեղ նախատեսված է կառուցել թանգարանը, օգոստոսի 5-ին կնշվի «Թանգարանի օրը»:

Սեպտեմբերի 9-ին կկազմակերպվի «Տելետոն Լոս Անջելեսից», որին առցանց կարող են մասնակցել հայրենակիցներ եւ օտարներ աշխարհի տարբեր վայրերից:

Իսկ դեկտեմբերի 9-ին Հոլիվուդի «Ռեյ Դոլբի» դահլիճում տեղի կունենա եզրափակիչ գալա-խնջույքը:

«Մենք կոչ ենք անում համայնքի կազմակերպություններին, առաջնորդներին եւ անդամներին հիշել այս թվականները եւ ակտիվ մասնակցություն ցուցաբերել միջոցառումներին, որպեսզի իրականություն դառնա մեր նախատեսած թանգարանը», այս առթիվ նշել է ապագա թանգարանի գործադիր կոմիտեի նախագահ Պերճ Կարապետյանը :

Մանրամասնությունների համար այցելելՙ www.ArmenianAmericanMuseum.org» կայքը: