«ՀԱՅԱՍՏԱՆ, ՕՍՎԵՆՑԻՄ ԵՎ ԴՐԱՆՑԻՑ ԱՅՆ ԿՈՂՄ» Հայերի ցեղասպանության 100-րդ տարելիցի նախաշեմին եւ Հոլոքոսթի ու եկեղեցիների թեմայով զբաղվող գիտնականների 44-րդ տարեկան կոնֆերանսի առնչությամբ մարտի 10-ին Բել Էրի (Կալիֆոռնիա) ամերիկա¬հրեական համալսարանի «Ֆամիլիան» մասնաշենքում տեղի է ունեցել հատուկ միջոցառում «Հայաստան, Օսվենցիմ եւ դրանցից այն կողմ» խորագրով: Ըստ «Արմինյն Միրոր¬Սփեքթեյթր» շաբաթաթերթի տեղեկատվության, միջոցառմանը մասնակցել եւ ելույթ են ունեցել Լոս Անջելեսի Կալիֆոռնիա համալսարանից պրոֆ. Ռիչարդ Հովհաննիսյանը, Հարավային Կալիֆոռնիա համալսարանից Սթիվն Սմիթը եւ ամերիկա¬հրեական համալսարանից Մայքլ Բերենբաումը: Ֆրենկլին Լիտելի եւ Հյուբերտ Լոկի կողմից 1970-ին հիմնված վերոնշյալ «Գիտնականների կոնֆերանսը» միջազգային, միջճյուղային եւ սերունդների միջեւ կապ հատատող միջոցառում է, որը նպատակ ունի մերօրյա աշխարհին տեղյակ պահել Հոլոքոսթի եւ ցեղասպանությունների վերաբերյալ ուսումնասիրությունների նորագույն տվյալներին: Ավելի մանրամասն «scholarsconf@ aol.com» կայքում: | 
