Տեղադրվել է` 2014-07-11 00:59:52 (GMT +04:00)

Ընթերցված է` 1672, Տպվել է` 21, Ուղարկվել է էլ.փոստով` 10

ՄԻՆՉԵՎ 1000 ԵՎՐՈ` ՀՈԼԱՆԴԻԱՅԻՑ ՀԱՐԿԱԴԻՐ ՎԵՐԱԴԱՐՁՈՂՆԵՐԻՆ

Ա. Մ.

Հայաստանի տարածքային կառավարման նախարարության միգրացիոն պետական ծառայության եւ Նիդերլանդների անվտանգության եւ արդարադատության նախարարության հայրենադարձության եւ մեկնման ծառայության միջեւ կնքված համաձայնագրով տրամադրվող դրամաշնորհը կառավարության երեկվա որոշմամբ օգտագործվելու է Նիդերլանդներից հարկադիր վերադարձող 100 ՀՀ քաղաքացիներին, վերաինտեգրման նպատակով, փոքր բիզնես սկսելու կամ աշխատաշուկա մուտք գործելու աջակցության, ուսումնական կամ մասնագիտական վերապատրաստման, սոցիալական, իրավական, բժշկական աջակցության, ժամանակավոր կացարանի տրամադրման, օդանավակայանում դիմավորման եւ անհատական այլ կարիքների համար: Հայաստանի միգրացիոն պետական ծառայությունը մեկ տարվա ընթացքում Նիդերլանդներից հարկադիր վերադարձող Հայաստանի յուրաքանչյուր քաղաքացու տրամադրելու է առավելագույնը 1000 եվրոյի աջակցություն: